717. Ex his quoque constat quod de voluntariis hominis, seu de ejus bonis et sanctis quae praedicantur de voluntate, agatur; hic enim dicitur quod ‘acciperet de bestia munda septena’, et in vers. seq. similiter de ave; at in cap. praeced. vers. 19, 20, 20, non dicitur quod acciperet septena, sed ‘bina’ seu paria, quia ibi de intellectualibus, quae non sancta in se, sed ab amore qui voluntatis, sancta sunt, agitur.