7922. ‘De sanguine qui in pelvi’: quod significet sanctum verum quod boni innocentiae in naturali, constat ex significatione ‘sanguinis’, nempe agni, quod sit sanctum verum quod boni innocentiae, de qua ¹ n. 7919, et ex significatione ‘pelvis’ quod sit naturale, de qua ² mox supra n. 7920.

脚注:

7920. ‘Qui in pelvi’: quod significet quod in bono naturalis, constat ex significatione ‘pelvis’ quod sit bonum naturalis; per ‘vasa’ enim in genere significantur scientifica quae naturalis, n. 3068, ex causa quia ¹ illa sunt receptacula influxus boni et veri; et quia per illa significantur scientifica, etiam significatur naturale, nam scientifica sunt naturalis, et naturale est commune receptaculum; in specie autem per vasa ex ligno et ex aere ² significabantur bona naturalis, nam ‘lignum’ est bonum, et quoque ‘aes’; inde est quod ‘pelvis’ sit bonum naturalis. Sciendum quod aliud intelligatur per bonum naturale, et aliud per bonum naturalis; bonum naturale est quod est homini ex hereditario, ³ at bonum naturalis ⁴ est quod ei a Domino per regenerationem; de bono naturali ⁵ , videatur n. 7197.

脚注: