7923. ‘Et vos non exibitis quisquam ex ostio domus suae’: quod significet quod permanebunt in bono quod a vero non spectandum, constat a significatione ‘non exire’ quod sit permanere; ex significatione ‘domus’ quod sit bonum, de qua n. 2233, 2234, 2559, 3652, 3720, 7833-7835, 7848; inde patet quod per ‘vos non exibitis quisquam ex ostio domus suae’ significetur quod permanebunt in bono; quod significetur quod bonum non a vero ¹ spectandum, est quia permanere ² in domo est in bono, at ‘exire ex ostio domus’ est a bono ad verum, bonum enim intra ³ est, verum autem extra, n. 7910; quid sit spectare a bono ad vera, videatur ⁴ n. 5895 fin. , 5897, 7857; a vero spectare bonum est ab ⁵ externo internum; at a bono spectare verum est ab ⁶ interno externum, nam, ut modo dictum, bonum est interius, verum autem exterius; spectare ex bono verum est secundum ordinem, nam omnis influxus Divinus est per interiora ad exteriora, spectare autem ex vero bonum non est secundum ordinem; quare cum regeneratur homo, tunc vertitur ordo, et bonum seu charitas spectatur primo loco, et verum seu fides secundo.

脚注:

7833. ‘Ad domum patrum, pecudem ad domum’: quod significet secundum bonum speciale cujusvis, constat ex significatione ‘domus patrum’ quod sit bonum unius familiae distinctum a bono alterius; per ‘domum’ enim ‘patris’ significatur homo quoad bonum internum ¹ , n. 3128. Cum hoc ita se habet: per ‘omnes tribus Israelis’ significantur omnia vera et bona fidei et charitatis in uno complexu, et per ‘unamquamvis tribum’ unum genus boni ² aut veri, videatur n. 3858, 3926, 3939, 4060, 6335, 6337, 6640; ita per ‘unamquamvis familiam intra tribum suam’ ³ significabatur bonum speciale, ⁴ proinde bonum unius in specie distinctum a bono alterius; ⁵ at per ‘domum patrum intra familiam’ significabatur bonum particulare unius speciei; quod illa significata sint per tribus, ⁶ familias, et domos in quas distincti ⁷ erant filii Israelis, erat causa ut repraesentarent caelum, nam ibi bona sunt distincta in genere, in specie, et in particulari; et secundum illa conjuncti sunt angeli; sciendum quod unius bonum nusquam detur prorsus simile bono alterius, sed quod varia sint, et tam varia ut distincta sint in genera universalia superiora, et haec in ⁸ inferiora, usque ad singularia et singularissima; quod bona amoris et fidei tam varia sint, videatur n. 684, 690, 3241, 3267, 3744-3746, 3986, 4005, 4149, 5598, 7236. Inde nunc patet cur mandatum quod ‘acciperent sibi quisque pecudem ad domum patrum, pecudem ad domum’.

脚注: