Arcana Coelestia #4242
4242. ‘Et praecepit illis dicendo, Ita dicetis Domino meo Esavo’:
quod significet agnitionem primam boni quod superiore loco esset, constare potest ex significatione 'hic ‘praecipere nuntiis ut dicerent’ quod sit reflexio et inde perceptio quod ita sit, de qua n. 3661, 3682, proinde agnitio; ex repraesentatione ‘Esavi’ quod sit bonum, de qua supra n. 4234, 4239; quod superiore loco esset, significatur per quod vocaverit Esavum non fratrem sed ‘dominum 1 suum’, et quoque ut sequitur, ‘se servum ejus’, ac postea similiter; quod verum primo loco sit et 2 bonum secundo apparenter cum regeneratur homo, sed quod bonum primo loco sit et verum secundo cum regeneratus est homo, videatur n. 1904, 2063, 2189, 2697, 2979, 3286, 3288, 3310 f. , 3325, 3330, 3332, 3336, 3470, 3509, 3539, 3548, 3556, 3563, 3570, 3576, 3579, 3603, 3701.
Id quoque est quod intelligitur per prophetica Jishaki patris ad 3 Esavum filium, Super gladio tuo vives, et fratri tuo servies, et erit quando dominaris, et disrumpes jugum illius desuper collo tuo, Gen. 27:40;
de inversione hujus status, de qua prophetica illa praedixerunt, hic nunc agitur.
Fotnoter:
1. The following word or phrase appears in the first edition but not in the Manuscript.
2. The Manuscript inserts tunc.
3. et, in the First Latin Edition
Arcana Coelestia #2697
2697. ‘Tolle puerum’: quod significet spirituale quoad verum, constat a significatione ‘pueri’ quod sit spirituale cumprimis 1 quoad verum, de qua n. 2677, 2687: spiritualis enim Ecclesiae homo per vera fidei regenerari videtur, sed nescit quod per bonum veri, nam id non apparet, solum se manifestat in affectione veri, et dein in vita secundum verum; nusquam aliquis regenerari potest per verum nisi cum vero sit bonum, nam verum absque bono est nullius vitae; quare per verum separatum a bono non aliqua nova vita, quae tamen homini per regenerationem.
Fotnoter:
1. The Manuscript has imprimis.
