28
Et tu, fili hominis, propheta, et dic : Hæc dicit Dominus Deus ad filios Ammon, et ad opprobrium eorum : et dices : Mucro, mucro, evagina te ad occidendum : lima te ut interficias et fulgeas :
28
Et tu, fili hominis, propheta, et dic : Hæc dicit Dominus Deus ad filios Ammon, et ad opprobrium eorum : et dices : Mucro, mucro, evagina te ad occidendum : lima te ut interficias et fulgeas :
6441. ‘Lupus’ quod significet aviditatem eripiendi et liberandi bonos, constat ex significatione ‘lupi’ quod sit is qui rapit et dispergit; et quia ‘bestiae’ in Verbo significant cupiditates, ‘lupus’ significat aviditatem rapiendi, ut quoque constat a locis in Verbo ubi lupus nominatur, sicut apud Matthaeum, Cavete vobis a pseudoprophetis, qui veniunt ad vos in indumentis ovium, intrinsecus autem sunt lupi rapaces, 7:15:
apud Johannem, Mercenarius qui non est pastor, cujus oves non sunt propriae, videt lupum venientem, et deserit oves, fugitque, et lupus rapit eos, et dispergit oves, 10:12:
similiter alibi, ut Luc. 10:3, Jer. 5:6, Ezech. 22:27, Zeph. 3:3;
inde patet quod per ‘lupum’ significentur illi qui rapiunt, hic autem qui eripit ab inferno illos qui rapti sunt. Similiter se habet cum significatione 'lupi 1 ut cum significatione leonis, qui 2 quoque est animal rapax, de quo etiam dicitur quod rapiat rapinam, colligat spolium, et praedetur praedam, sicut hic de lupo, et tamen leo in bono sensu significat verum in potentia a bono, videatur n. 6367; similiter etiam de aliis bestiis rapacibus, sicut de pardis, de aquilis.
അടിക്കുറിപ്പുകൾ: