7187. ‘Nunc videbis quid faciam Pharaoni’: quod significet manifestam perceptionem quid eveniet illis qui infestant, constat ex significatione ‘videre’ quod sit apperceptio, de qua n. 2150, 3764, 4567, 4723, 5400, hic manifesta perceptio quia dicitur de instructione a Divino; ex significatione ‘quid faciam’ quod sit quid eveniet; et ex repraesentatione ‘Pharaonis’ quod sint qui per injecta falsa infestant, de qua n. 6651, 6679, 6683, 7107, 7110, 7126, 7142.

4567. ‘Visus Deus ad Jacobum adhuc in veniendo illo e Paddan Aram et benedixit illi’: quod significet perceptionem interiorem naturalem, constat a significatione ‘visus Deus’ quod sit perceptio interior; quod ‘videre’ sit intelligere et percipere, videatur n. 2150, 2807, 3764, 3863, 4403-4421, inde ‘visus Deus’ cum praedicatur de Domino, est perceptio ex Divino, quae eadem est cum perceptione interiore; quod perceptio illa naturali fuerit, significatur per quod ‘visus Deus ad Jacobum’, ‘Jacobus’ enim ¹ repraesentat naturale Domini, ut pluries ostensum: adhuc in veniendo illo e Paddan Aram significat postquam cognitiones ² boni et veri, quae per Paddan Aram de quibus n. 3664, 3680, 4112,

significantur, hauserat; ‘benedixit ³ illi’ significat progressionem ad interiora naturalis, et ibi conjunctionem boni et veri; ‘benedicere’ enim praedicatur de omni bono quo qui donatur a Divino, n. 1420, 1422, 2846, 3017, 3406, imprimis de conjunctione boni et veri, n. 3504, 3514, 3530, 3565, 3584.

അടിക്കുറിപ്പുകൾ: