Zeremiah 46

¹ Phopizy kyh liata hrohsopa Zeremiah hnohta ABEIPA bie a vaw tlôpa cha.

² Izi râh thâtih, Euphrate chavah kiah liata Karkhemi khih liata a ypa Zudah beipa Zehôiki Zôsiah sawchapawpa kô palihna liata, Nebukareza ta a tusaopa Izi beipa Phirao Nekô pheisaih sahlao thâtih:

³ “Chhôhkhana nata vyphao amâ chiehpa ta y ula, chariah tôh teh u!

⁴ Arâzy ky padia ula; arâ a kiahpa saih u, kiah teh u!Lakhu a khupa ta â ipa ta a duah ula, asei a tiahpa ta chatapa ta, thua viahpakao a ky teh u!

⁵ Kheihtazie ta e, thlahzopa ta ypa ta hnôh ama chhy? Ama riahphapazy cha tiahpa ta y ei ta, amâ râ pai; hnôh lâ a heih chachei leipa ta su to liata chichhihna a y! ABEIPA ta a tah.

⁶ Chyhsa chatlie chakohpa a râ thei veih ei, chariah chyhsa khôkhâh hra veih ei; maw lâ Euphrate chavah kiah liana hao ta thy ei ta, ama pao khai haw.

⁷ “Ahyma Nile chavah hawhta lai ta, chavah ti chatlaopa hawhta a châpa cha?

⁸ Izi cha Nile chavah hawhta lai ta, chavah ti chatlaopa hawh tlai ta. Lai aw na ta, a lei chô ei vao aw, khihpizy nata a pahrâtuhpazy ei parao aw, tah ta.:

¹⁰ Cha noh cha Abeipa Pheisaihzy KHAZOHPA noh cha,phuhlana noh, a khakhaipazy chôta phuh a la theina cha A zaozi chata nie khai aw ta, a ai aw, ama thisaih cha lôhrâtlôpa ta a doh aw. Abeipa Pheisaihzy KHAZOHPA chata maw râh liata Euphrate chavah kiah liata a theihna hnei tlôh aw ta.

¹¹ Hy Izi sawchanô laihsakôpa y, Kilia lâ khy la, thohna la teh! Thohna hluhpi khâpahrao leipa ta hmâh haw chi ta; na châta tlâhna rai y vei.

¹² Phopizy chata na maohphyuna cha pahno ei ta, na chapa cha alei zydua a bie; chariahpa nata chariahpa a tyh ei ta; alei liata ama pao rairieh thlâh haw,” tahpa ta.

¹³ Nebukareza Babylaw beipa a vy aw ta, Izi râh a vaw tusao awpa zie kyh ABEIPA ta hrohsopa Zeremiah hnohta a reipa cha:

¹⁴ “Izi râh liana chata pahnosa ula, Mikadô liata phuah teh u; Memphi nata Tahpahe liana cha phuah ula; ‘Â ipa ta a duahpa ta a pachyh teh u, na chheipâh liatapa zaozi ta nie khai haw tlôh ta,’ tahpa ta reih teh u.

¹⁵ Khazia ma na chyhsa riahphapazy leidiapa ta ama y tly? Khazia nâ duah vei ei? ABEIPA ta a thy hawpa vâta.

¹⁶ Chyhsa hluhpizy cha patleisa ta; a chakhopa ta pao hôlô ei ta,‘Pasaipa-ina zaozi râsaipa ta a vy teh u; eima pina râh lâta eima chyhsazy lâna chata,’ tah ei ta.

¹⁷ Izi beipa Phirao cha palôhpasapa cha bi teh, ‘A daihti hmeihseihpa cha khôkhâh ta,’ tahpa ta.

¹⁸ “Abeipa ano moh Pheisaihzy ABEIPA chata a tah, ei hropa hawhta, tlâhzy hry liata Tabaw ypa hawhta nata tilaipi kiapâh ta Kamel a ypa hawhta, cha hawhna chata â vy aw.

¹⁹ Hy sawchanô, Izi râh liata a pahrâpa y, seichâna lâ sie awpa ta a chhuah thlâh ha teh! Memphi khih cha roryhrapa ta y tlôh aw ta, pahrâ awpa y leipa ta a kâ patlô aw.

²⁰ “Izi cha viahchao zeinô sabia pha kawpa a châ, châhrasala maw lâ tawhta a nie tuh awpa a vy na.

²¹ Ama hry liata pheisaih hmâ haipazy cha viahchao dawpa, pasapa thawpa hawhta ama châ; ama hnôh lâ chhy ei ta, a duah leipa ta ama râ pai, ama chô liata ama raona noh a tlô haw, ama hriena daihti awpa cha.

²² “Parih hawh tlaita ama pyu hnei ei ta; a khakhaipazy cha hmaohkha ta avy ei ta; tho a thlutuhpazy hawhta ahrei chhaota a vy hnao ei ta.

²³ A râh thothih chahry khai thei leipa cha ama thlu aw, ABEIPA ta a tah, Khawsu hlâ hluh via tlôh ei ta; reitiahpa rimâ châ veih ei.

²⁴ Izi sawchanô cha a maohphyu aw, maw lâ tahpa ku liata patusapa ta a y aw.”

²⁶ Ama hrona a tluatuhpazy ku liata nata Babylaw beipa Nebukareza nata a chakaotuhpazy ku liana chata ei patusa aw.

²⁷ “Hy Zakaw ei chakaotuhpa y, chi khah la, hy Izarel y, riahchhiepa ta y hra khâ; pachâ teh, na pathlazy chhao ama seichâna râh tawhtapa cha lâhlapi tawhtapa cha pachha tlôh aw na ta. Chatawhcha Zakaw cha vaw kua aw ta, thlalôhpa ta y aw ta, ahy hmah pachisa khao aw veih ei.

²⁸ Hy Zakaw na chakaotuhpa y, chi khâ, ei cha ypâ hih, ABEIPA ta a tah. Ei cha tona phopi zydua cha pachhâsa aw na ta, nâ deikua cha cha pachhâsa aw va na, Â dopa ta cha hrie aw na ta, hrie leipa ta cha cha papua aw va na.