Zeremiah 46

Study

         

1 Phopizy kyh liata hrohsopa Zeremiah hnohta ABEIPA bie a vaw tlôpa cha.

2 Izi râh thâtih, Euphrate chavah kiah liata Karkhemi khih liata a ypa Zudah beipa Zehôiki Zôsiah sawchapawpa kô palihna liata, Nebukareza ta a tusaopa Izi beipa Phirao Nekô pheisaih sahlao thâtih:

3 “Chhôhkhana nata vyphao amâ chiehpa ta y ula, chariah tôh teh u!

4 Arâzy ky padia ula; arâ a kiahpa saih u, kiah teh u!Lakhu a khupa ta â ipa ta a duah ula, asei a tiahpa ta chatapa ta, thua viahpakao a ky teh u!

5 Kheihtazie ta e, thlahzopa ta ypa ta hnôh ama chhy? Ama riahphapazy cha tiahpa ta y ei ta, amâ râ pai; hnôh lâ a heih chachei leipa ta su to liata chichhihna a y! ABEIPA ta a tah.

6 Chyhsa chatlie chakohpa a râ thei veih ei, chariah chyhsa khôkhâh hra veih ei; maw lâ Euphrate chavah kiah liana hao ta thy ei ta, ama pao khai haw.

7 “Ahyma Nile chavah hawhta lai ta, chavah ti chatlaopa hawhta a châpa cha?

8 Izi cha Nile chavah hawhta lai ta, chavah ti chatlaopa hawh tlai ta. Lai aw na ta, a lei chô ei vao aw, khihpizy nata a pahrâtuhpazy ei parao aw, tah ta.:

10 Cha noh cha Abeipa Pheisaihzy KHAZOHPA noh cha,phuhlana noh, a khakhaipazy chôta phuh a la theina cha A zaozi chata nie khai aw ta, a ai aw, ama thisaih cha lôhrâtlôpa ta a doh aw. Abeipa Pheisaihzy KHAZOHPA chata maw râh liata Euphrate chavah kiah liata a theihna hnei tlôh aw ta.

11 Hy Izi sawchanô laihsakôpa y, Kilia lâ khy la, thohna la teh! Thohna hluhpi khâpahrao leipa ta hmâh haw chi ta; na châta tlâhna rai y vei.

12 Phopizy chata na maohphyuna cha pahno ei ta, na chapa cha alei zydua a bie; chariahpa nata chariahpa a tyh ei ta; alei liata ama pao rairieh thlâh haw,” tahpa ta.

13 Nebukareza Babylaw beipa a vy aw ta, Izi râh a vaw tusao awpa zie kyh ABEIPA ta hrohsopa Zeremiah hnohta a reipa cha:

14 “Izi râh liana chata pahnosa ula, Mikadô liata phuah teh u; Memphi nata Tahpahe liana cha phuah ula; ‘Â ipa ta a duahpa ta a pachyh teh u, na chheipâh liatapa zaozi ta nie khai haw tlôh ta,’ tahpa ta reih teh u.

15 Khazia ma na chyhsa riahphapazy leidiapa ta ama y tly? Khazia nâ duah vei ei? ABEIPA ta a thy hawpa vâta.

16 Chyhsa hluhpizy cha patleisa ta; a chakhopa ta pao hôlô ei ta,‘Pasaipa-ina zaozi râsaipa ta a vy teh u; eima pina râh lâta eima chyhsazy lâna chata,’ tah ei ta.

17 Izi beipa Phirao cha palôhpasapa cha bi teh, ‘A daihti hmeihseihpa cha khôkhâh ta,’ tahpa ta.

18 “Abeipa ano moh Pheisaihzy ABEIPA chata a tah, ei hropa hawhta, tlâhzy hry liata Tabaw ypa hawhta nata tilaipi kiapâh ta Kamel a ypa hawhta, cha hawhna chata â vy aw.

19 Hy sawchanô, Izi râh liata a pahrâpa y, seichâna lâ sie awpa ta a chhuah thlâh ha teh! Memphi khih cha roryhrapa ta y tlôh aw ta, pahrâ awpa y leipa ta a kâ patlô aw.

20 “Izi cha viahchao zeinô sabia pha kawpa a châ, châhrasala maw lâ tawhta a nie tuh awpa a vy na.

21 Ama hry liata pheisaih hmâ haipazy cha viahchao dawpa, pasapa thawpa hawhta ama châ; ama hnôh lâ chhy ei ta, a duah leipa ta ama râ pai, ama chô liata ama raona noh a tlô haw, ama hriena daihti awpa cha.

22 “Parih hawh tlaita ama pyu hnei ei ta; a khakhaipazy cha hmaohkha ta avy ei ta; tho a thlutuhpazy hawhta ahrei chhaota a vy hnao ei ta.

23 A râh thothih chahry khai thei leipa cha ama thlu aw, ABEIPA ta a tah, Khawsu hlâ hluh via tlôh ei ta; reitiahpa rimâ châ veih ei.

24 Izi sawchanô cha a maohphyu aw, maw lâ tahpa ku liata patusapa ta a y aw.”

26 Ama hrona a tluatuhpazy ku liata nata Babylaw beipa Nebukareza nata a chakaotuhpazy ku liana chata ei patusa aw.

27 “Hy Zakaw ei chakaotuhpa y, chi khah la, hy Izarel y, riahchhiepa ta y hra khâ; pachâ teh, na pathlazy chhao ama seichâna râh tawhtapa cha lâhlapi tawhtapa cha pachha tlôh aw na ta. Chatawhcha Zakaw cha vaw kua aw ta, thlalôhpa ta y aw ta, ahy hmah pachisa khao aw veih ei.

28 Hy Zakaw na chakaotuhpa y, chi khâ, ei cha ypâ hih, ABEIPA ta a tah. Ei cha tona phopi zydua cha pachhâsa aw na ta, nâ deikua cha cha pachhâsa aw va na, Â dopa ta cha hrie aw na ta, hrie leipa ta cha cha papua aw va na.