Athaona 36

¹ Hezy he Esaw pathlazy cha ama châ (Esaw cha Edôma a châ).

² Esaw chata a lahpinôzy cha Kana liata laihsa hry liatahpa a hnei: Hiti chyhsa Elawna sawchanônô Adah nata, Hivi chyhsa Zibiôna sawchanônô, Anah sawchanônô Ôhôlibana zy cha ama châ.

³ Ishmael sawchanônô Nebaiô sietanô Basema chhaota.

⁴ Adah chata Eliba cha Esaw sapa ta; Basema chata Reu-el sa ta;

⁵ Ôhôlibama chata Zeusa, Zala nata Kôra sa ta. Chazy cha Esaw sawchapawpa Kana râh liata a sapazy ama châ.

⁶ Esaw chata a lahpinôzy nata a sawchapawpazy nata a o liatahpa zydua nata a sâh zydua nata a sôh zydua Kana râh liata a hmôpazy cha, puakhei ta, a nawhta Zakaw tawhtapa cha râh hro lâta sie syulyu haw ta.

⁷ Ama hmo hneipazy cha hluh tu ha ta, hmaokha ta ama y thei leipa a châ; ama sahrohzy vâta ama khichhai châna râh chata a daih tlôh lei khâh ta.

⁸ Esaw cha Seira tlâh liana chata y haw t; Esaw cha Edôma a châ.

⁹ Hezy he Seira tlâh liata Edôma sahlao pathlatuhpa Esaw pathlazy cha ama châ.

¹⁰ Hezy he Esaw sawchapawpazy moh cha a châ: Elipha, Esaw lahpinô Adah sawchapawpa nata Reuel , Esaw lahpinô Basema sawchapawpa he.

¹¹ Elipha sawchapawpazy cha, Temana zy, Ômana Zephô zy, Kata zy, Kenaza zy ama châ.

¹² Timana cha, Esaw sawchapawpa Elipha nôtho châ ta; ano chata Elipha cha Amale sapa ta. Chazy cha Esaw lahpinô Adah pathlazy cha ama châ.

¹³ Hezy he Reuel sawchapawpazy cha ama châ: Naha nata Zera, Shamah nata Miza zy he. Chazy cha Esaw lahpinô Basema pathlazy cha ama châ.

¹⁴ Hezy he Zibzaw sawchanônô Anah sawchanônô, Esaw lahpinô Ôhôlibama sawchapawpazy cha ama châ: ano chata Esaw cha, Zeusa nata Zala nata Kôra sapa ta.

¹⁵ Hezy he Esaw sawchapawpazy hry liata hyutuhpazy cha ama châ, Esaw saw tuapa Elipha sawchapawpa he, hyutuhpa Temana zy, hyutuhpa Ôma zy, hyutuhpa Zephô zy, hyutuhpa Kenaza zy,

¹⁶ hyutuhpa Kôra zy, hyutuhpa Kata zy, hyutuhpa Amale zy he; chazy cha Edôma râh liata Elipha tawhta a puapa hyutuhpazy cha ama châ; chazy cha Adah pathlazy cha ama châ.

¹⁷ Hezy he Esaw sawchapawpa Reu-el sawchapawpazy cha ama châ; hyutuhpa Naha zy, hyutuhpa Shamah zy, hyutuhpa Miza zy he, chazy cha Edôma râh liata Reuel tawhta a puapa hyutuhpazy cha ama châ; chazy cha Esaw lahpinô Basema pathlazy cha ama châ.

¹⁸ Hezy he Esaw lahpinô Ôhôlibama sawchapawpazy cha ama châ: hyutuhpa Zeusa zy, hyutuhpa Zala zy, hyutuhpa Kôra zy he, cha hyutuhpazy cha Anah sawchanônô Esaw lahpinô Ôhôlibama a sapa ama châ.

¹⁹ Chazy cha Esaw sawchapawpazy cha ama châ, chazy cha ama hry liata hyutuhpazy cha ama châ, Esaw cha Edôma a châ.

²⁰ Hezy he Hôri chyhsa Seira sawchapawpa, cha râh liata a ypazy cha ama châ: Lôta zy, Shôba zy, Zibeôna zy, Anah zy.

²¹ Disawna zy, Eza zy, Disana zy he: chazy cha Edôma râh liata Seira saw Hôri sahlao râh liata a puapa hyutuhpazy cha ama châ.

²² Lôta sawzy cha Hôri nata Hima ama châ: Lôta sietanô cha Timana a châ.

²³ Hezy he Shôba sawzy cha ama châ; Alva zy, Manaha zy, Eba zy, Sephô zy, Ôna zy hi.

²⁴ Hezy he Zibeôna sawzy cha ama châ: Aiah nata Anah hi: he Anah he a paw Zibeôna alâzy a lao a pabâsa nota râhpathohpa liata tilalôhpa khaozy a hmôtuhpa kha a châ.

²⁵ Hezy he Anah sawzy cha ama châ: Disawna nata Anah sawchanônô Ôhôlibama hi.

²⁶ Hezy he Disawna sawzy cha ama châ: Heda zy, Esba zy, Ithara zy, Khera zy hi.

²⁷ Hezy he Eza sawzy cha ama châ: Bilha zy, Za-ava zy, Akana zy hi.

²⁸ Hezy he Disana sawzy cha ama châ: Uza nata Arana hi.

²⁹ Hezy he Hôri sahlao liata a puapa hyutuhpazy cha ama châ: hyutuhpa Lôta zy, hyutuhpa Shôba zy, hyutuhpa Zebeôna zy, hyutuhpa Anah zy.

³⁰ hyutuhpa Eza zy, hyutuhpa Disana zy hi; chazy cha Seira râh liata ama hyutuhpa ryhpa hawhta Hôri sahlao liata a puapa hyutuhpazy cha ama châ.

³¹ Hezy he Edôma râh liata ryureituhpa abeizy cha ama châ, Izarel pathlazy ta ryu ama reih hlâta.

³² Beôra sawchapawpa Bela chata Edôma râh liata ryu reih ta, a khihpi moh cha Dinhaba a châ.

³³ Bela cha thi ta, Bôzra liatahpa Zera sawchapawpa Zôbaba chata a vyuhpa ta ryu reih ta.

³⁴ Zôbaba cha thi ta, Temani mozy râh liatahpa Husha chata a vyuhpa ta ryu reih ta.

³⁵ Husha cha thi ta, Bedada sawchapawpa Hadada Môaba bypi liata Midia sahlao a thietuhpa khata, a vyuhpa ta ryu reih ta: a khihpi moh cha Avi a châ.

³⁶ Hadada cha thi ta, Masreka liatahpa Samla chata a vyuhpa ta ryu reih ta.

³⁷ Samla cha thi ta, Euphrate kiah liata Rehôbô liatahpa Sawla chata a vyuhpa ta ryu reih ta.

³⁸ Sawla cha thi ta, Akabao sawchapawpa Baalhana chata a vyuhpa ta ryu reih ta.

³⁹ Akabao sawchapawpa Baalhana cha thi ta, Hada chata a vyuhpa ta ryu reih ta, a khihpi moh cha Pa-u a châ; a lahpinô moh cha Mehetabel châ ta, ano cha Mezaha saw matre sawchanônô cha a châ.

⁴⁰ Hezy he ama chhôhkha lymâ hawhta nata ama su lymâ hawhta nata ama moh lymâ hawhta Esaw pathla hyutuhpazy moh cha a châ: hyutuhpa Timnah zy, hyutuhpa Alvah zy, hyutuhpa Zethe zy,

⁴² hyutuhpa Kenaza zy, hyutuhpa Temana zy, hyutuhpa Miza zy.

⁴³ hyutuhpa Madiel zy, hyutuhpa Irama zy he: chazy cha ama râh hneipa liana chata ama yna lymâ hawhta Edôma pathla hyutuhpazy cha ama châ. Cha Esaw cha Edôma sahlao pathlatuhpa cha a châ.