IZIMFIHLO ZASEZULWINI EZIQUKETHWE EZIBHALWENI EZINGCWELE NOMA EZWINI LENKOSI ZISONJULULIWE KUQALWA ENCWADINI KAGENESIS KANYE NEZINTO EZIMANGALISAYO EZIBONWE EMHLABENI WEMIMOYA NASEZULWINI LEZINGELOSI

KULOTSHWE WU EMANUEL SWEDENBORG

KWAHUNYUSHWA KUSUSWA ESINGISINI KUYISWA ESIZULWINI UMQINGO WOKUQALA

IHUNYUSHWE NGU wuZAMOKUHLE T. ZUNGU

---

Arcana Coelestia: The Heavenly Arcana contained in the Holy Scripture or Word of the Lord unfolded in the Book of Genesis together with wonderful things seen in the World of Spirits and in the Heaven of Angels

By Emanuel Swedenborg

Translated into Zulu by Zamokuhle T. Zungu

---

UHLU LOMLOBI LWEZIHLOKO EZIQUKETHWE EMQINGWENI WOKUQALA.

IziMfihlo zeZulu ezisonjululwe eziBhalweni eziNgcwele noma eZwini leNkosi zikwiNcazelo, eyiNgqondo engaPhakathi yeZwi. Ukuthi lengqondo inhloboni kungabonwa kulezozinto ezikhonjiswe malungana nayo ngokusukela eLwazini lokuzazela mathupha ezinombolweni 1767-1777, 1869-1879; nasemongweni noma engqikithini yenkulumo (ezinombolweni 1-5, 64-66, 167, 605, 920, 937, 1143, 1224, 1404, 1405, 1408, 1409, 1502 ekugcineni, 1540, 1659, 1756, 1783, 1807).

IZinto eziMangalisayo ezibonwe eMhlabeni weMimoya naseZulwini leziNgelosi, kuqalwe ngazo futhi zajotshelelwa ezahlukweni ezimbalwa. Kulomqingo kukhona lezizihloko ezilandelayo:

Mayelana nokuVuswa komuntu kwabafileyo, nokungena kwakhe ekuphileni okuphakade (n. 168-181).

Isiqhubezo mayelana nokungena komuntu ekuphileni okuphakade (n. 182-189; naku 314-319).

Ukuthi ngaleyonkathi impilo yoMphefumulo noma yoMumoya injani (320-323).

Ezinye izibonelo zemicabanga yeMimoya yokuthi yayicabangani ngoMphefumulo noma ngoMumoya ngenkathi isesemzimbeni wemvelo (n. 443-448).

Mayelana neZulu kanye neNjabulo yaseZulwini (n. 449-459; 537-546; 547-553).

Mayelana namaBandla abumba noma enza iZulu (n. 684-691).

Mayelana nesiHogo (n. 692-700).

Mayelana neziHogo zalabo abebebuswa yiNzondo, ukuPhindisa, noluNyae ezimpilweni zabo zemvelo (n. 814-823).

Mayelana neziHogo zalabo abebebuswa wukuPhinga neSigweba; mayelana futhi neziHogo zabaKhohlisi nezabaThakathikazi (n. 824-831).

Mayelana neziHogo zabaHahayo; namayelana neJerusalema eliNgcolile, nabaPhangi eHlane; namayelana nothuvi obugcwele eziHogweni zalabo abebecwile ezinjabulweni zomzimba noma zezinzwa besaphila emhlabeni wemvelo (n. 938-946).

Mayelana nezinye iziHogo ezehlukile kulezi esezibalwe ngenhla (n. 947-970).

Mayelana neziNcithakalo (n. 1106-1113).

UHlu lomlobi lwezihloko eziqukethwe emqingweni wesikhombisa.

IziMfihlakalo zezulu ezisonjululwe ezibhalweni eziNgcwele noma ezwini leNkosi ziqukethwe ezincazelweni, eyingqondo engaphakathi yezwi. Izanduleliso ezendulela izahluko ezimbalwa ziyincazelo yalokhu okulandelayo: Ziyincazelo eyingqondo engaphakathi yamazwi eNkosi akuMathewu 25:34-36 (ezinombolweni 4954-4959).

Ziyisiqhubezo mayelana nokuqhamisana komuntu noMuntu oMkhulu: ukuqhamisana kwamanyonga nezitho ezixhumene nawo (ezinombolweni 5050-5062).

Ziyincazelo eyingqondo engaphakathi yamazwi eNkosi akuMathewu 25:37-46 (ezinombolweni 5063-5071).

Ziyisiqhubezo mayelana nokuqhamisana komuntu nomuntu omkhulu: ukuqhamisana kwezitho zomuntu zangaphakathi nezitho zomuntu omkhulu zangaphakathi (ezinombolweni 5171-5190).

Ziyisiqhubezo mayelana nokuqhamisana komuntu nomuntu omkhulu (ezinombolweni 5377-5396).

Ziyisiqhubezo mayelana nokuqhamisana komuntu nomuntu omkhulu: ukuqhamisana kwesikhumba, izinwele, namathambo (ezinombolweni 5552-5573).

Ziyisiqhubezo mayelana nokuqhamisana: ukuqhamisana kwezifo nomhlaba kamoya (ezinombolweni 5711-5727).

UHLU LOMLOBI LWEZIHLOKO EZIQUKETHWE KULOMQINGO.

Kuqukethwe izimfihlakalo zezulu ezethulwe ngencazelo yengqondo enga pha-kathi yeZibhalo ezingcwele noma yeZwi.

Okujotshelelwe ekugcineni kwezinye iZahluko kumayelana nezingelosi ka nye nemimoya okuhanqa umuntu (bheka izinombolo 5846-5866).

Isiqhubezo mayelana nezingelosi kanye nemimoya okuhanqe umuntu (bheka izinombolo 5976-5993).

Kujotshelelwe okumayelana nomngenela nobudlelwane bomphefumulo emzimbeni wemvelo (bheka izinombolo 6053-6058).

Isiqhubezo mayelana nomngenela nobudlelwane bomphefumulo emzimbeni wemvelo (6189-6215).

Isiqhubezo mayelana nomngenela nobudlelwane bomphefumulo emzimbeni wemvelo (6307-6327).

Isiqhubezo mayelana nomngenela nobudlelwane bomphefumulo emzimbeni wemvelo (bheka izinombolo 6466-6496).

Isiqhubezo mayelana nomngenela nobudlelwane bomphefumulo emzimbeni wemvelo (bheka izinombolo 6598-6626).

Okunye okulotshiwe (bheka amakhasi 503, 504).

946. Ngike ngakhuluma nemimoya malungana nokuthi mhlawumbe bazoba yingcosane abantu abazokhol-wa ukuthi kanti ziningi kangaka izinto ezenzeka empilweni engemuva kokufa. Isizathu sokungakholwa kwabantu wukuthi abantu banomqondo ongaphelele nofiphele kakhulu—okuyinto eyenza lowomqondo ufane nomqondo oyize—ngempilo yabo engemuva kokufa, nokuwumqondo ase –bewugxilise kubo ngenxa yokungawuboni umphefumulo noma umumoya wabo ngamehlo enyama. Ngisho nabafundileyo banalowomqondo. Yize abafundile bethi ukhona umphefumulo noma umumoya, ukukholwa kwabo kulelezizinto kungaphansi kokukholwa kwabantu bezinzwa zomzimba ngoba baphikelela ukusebenzisa amagama nezisho okuqanjiwe afiphaza noma acime lesisihloko kakhulu, nangoba lapho benza uphenyo ngalezizihloko baziphenya bona kuphela kanye nomhlaba, ekubeni kuyivelakancane ukuba baphenye ukulunga nezulu. Imimoya engakhuluma nayo yamangaliswa yilesisimilo somuntu sokungakholwa , sokuthi yize umuntu azi ukuthi imvelo nayoyonke imibuso yayo kuqukethe izinto eziningi nezahlukahlukene kangaka angazaziyo. Ake sibheke isibonelo sendlebe. Kungabhalwa um-qingo wencwadi ngezinto ezimangalisayo nokungaziwa lutho ngazo, nabantu bakholwe ukuthi zikhona ngempela. Kepha lapho kushiwo okuthile ngomhlaba kamoya, oyiwona umsuka wakhokonke okuyimvelo, bayingcosane abakukholwayo, ngenxa, njengoba sekuphawuliwe ngenhla, yomqondo ecatshangwe nogxiliswe ngaphambili wokuthi kawukho umhlaba kamoya ngoba kawubonakali ngamehlo enyama.

938. Abantu abangamagovu noma abayimiheduluka benyanyeka kunabobonke abanye abantu, ekubeni bengacabangi lutho ngempilo yangemuva kokufa, ngomphefumulo, nangomuntu ongaphakathi. Abazi ngisho nokuthi liyini izulu, ngokuba izinga labo lokucabanga liphansi kunawabobonke abanye abantu. Imicabanga yabo bayicwilisa ngokugcwele eminakweni yomzimba neyomhlaba. Umphumela walokho wukuthi ngemuva kokufa, noma lapho sebengena empilweni yangemuva kokufa, kuthatha isikhathi eside ukuba babone ukuthi sebeyimimoya , becabanga ukuthi basemzimbeni wemvelo. Imiqondo ephuma emicabangweni yabo ethonywe yiminako yomzimba nomhlaba wemvelo, iguquka ibe ngamalutha okuzikhohlisa asabekayo. Okunswempu nokho kuyiqiniso elimsulwa wukuthi abangamagovu ahaha noma aheduluka kakhulu, ngemuva kokufa bazibona bematasatasa besebenza emalawini lapho kuhlala khona imali yabo, nokuyizindawo eziphithiza amagundane. Nokho yize ama-gundane angabahlupha kangakanani kabahoxi kulawomalawu bengakakhathali, kanjalo ekugcineni baphume kulamathuna.