2232. Quod ‘filii’ sint qui in veris, constat a significatione ‘filii’ in Verbo quod sit verum, de qua n. 489, 491, 533, 1147; per ‘filios’ in sensu abstracto significantur vera, sed applicate ad hominem, sunt ‘filii’ omnes qui in veris sunt.

1147. ‘Et nati sunt illis filii’: quod significent derivata inde doctrinalia, constat a significatione ‘filiorum’ in sensu interno quod sint vera fidei, tum etiam falsa, proinde doctrinalia, per quae significantur tam vera quam falsa; nam doctrinalia Ecclesiarum talia sunt: quod ‘filii’ talia significent, videatur prius n. 264, 489, 491, 533.