59. ADVENTUS DOMINI. SECTIO 4.31

Reversus sum ad Hierosolymam per misericordias, domus mea aedificabitur in ea, Jehovah Zebaoth eliget adhuc Hierosolymam, Zach. 1:16, 17.

Vidi virum in cujus manu funiculus mensurae, dixit pergens ad metiendum Hierosolymam, ut videam quanta latitudo ejus et quanta longitudo ejus; dixit Jehovah, Ego ero Hierosolymae murus ignis circumcirca, et in gloriam ero in medio ejus, Jehovah eliget iterum Hierosolymam, Zach. 2:1-12.

Jehovah eligens Hierosolymam, nonne hic titio ereptus ex igne, Zach. 3:2.

Dixit Jehovah, removebo iniquitatem terrae in die uno, in die illo clamabitis vir ad socium suum, sub vitem et sub ficum, Zach. 3:9, 10.

Sic dixit Jehovah, revertar ad Sionem et habitabo in medio Hierosolymae, unde vocabitur Hierosolyma urbs veritatis, et mons Jehovae Zebaoth mons sanctitatis; insuper implebuntur plateae urbis pueris et puellis ludentibus in plateis ejus: adducam eos ut habitent in medio Hierosolymae, sintque Mihi in populum, et Ego sim illis in Deum, in veritate et justitia; sic venient populi multi ad quaerendum Jehovam Zebaoth in Hierosolyma, ad deprecandum facies Jehovae, Zach. 8:2, 3, 4, 6, 8, 12, 15,[20,] 21, 22.

In die illo colligentur ad Hierosolymam omnes gentes terrae: in die illo proteget Jehovah habitatorem Hierosolymae, domus David sicut Deus, sicut angelus Jehovae coram illis; in die illo quaeram perdere omnes gentes venientes contra Hierosolymam: at effundam super domum Davidis et super habitatorem Hierosolymae spiritum gratiae et precum, ut respiciant ad Me quem foderunt, Zach. 12:3, 6, 8, 9, 10.

In die illo erit fons apertus domui Davidis, et Habitatoribus Hierosolymae, in die illo exscindam nomina idolorum e terra, et spiritum immundum transire faciam e terra, Zach. 13:1, 2.

Erit dies unus, qui notus Jehovae, non dies nec nox, quia circa tempus vesperae erit lux: et fiet in die illo exibunt aquae vivae ex Hierosolyma, in aestate et hyeme, et Jehovah erit in regem super totam terram, in die illo erit Jehovah unus, et Nomen Ipsius unum; in terra anathema non erit amplius, sed habitabit Hierosolyma secure, Zach. 14:6, 7, 8, 9, 11. Non erit amplius Cananaeus in domo Jehovae in die illo, vers. 21.

Omnes portae Zionis devastatae sunt, Thren. 1:4. Jehovah repulit me retrorsum, dedit me vastatam, vers. 13, filii mei devastati sunt, vers. 16, [devastatio et confractio contigit nobis] Thren. 3:47.

Consummata est iniquitas tua, visitabit iniquitatem tuam, manifestabit peccata tua, 4:22.