16
Offeret igitur eam sacerdos, et statuet coram Domino,
Vera Christiana Religio # 288
288. In Verbo saepius nominatur Lex, et dicetur quid per illam in stricto Sensu intelligitur, et quid per illam in latiori, et quid in latissimo; in stricto Sensu per Legem intelligitur Decalogus, in latiori intelliguntur Statuta per Mosen filiis Israelis data, et in latissimo intelligitur totum Verbum: QUOD PER LEGEM IN STRICTO SENSU INTELLIGATUR DECALOGUS, notum est: QUOD AUTEM PER LEGEM IN LATIORI SENSU INTELLIGANTUR STATUTA PER MOSEN FILIIS ISRAELIS DATA, constat ex singulis statutis in Mose, 1 quod dicantur Lex, ut Haec Lex sacrificii [pro reatu], Leviticus 7:1. Haec Lex sacrificii pacificorum, 7:11. 2 Haec Lex minchae, 6:7. seq. 3 Haec Lex pro Holocausto, pro Mincha, pro Sacrificiis peccati et reatus, pro Impletionibus, 7:37. 4 Haec Lex bestiae et avis, 11:46, seq. Haec Lex parientis pro filio et filia, 12:7. Haec Lex leprae, 13:59; 14:2, 32, 54, 57. Haec Lex fluxu affecti, 15:32. 5 Haec Lex Zelotypiae, Numeri 5:29-30. Haec Lex Naziraei, 6:13, 21. Haec Lex mundationis, 19:14. Haec Lex de vacca rufa, 19:2. Lex pro Rege, Deuteronomius 17:15-19. 6 Imo totus Liber Mosis vocatur Lex, 31:9, 11-12, 26. Praeter etiam in Novo Testamento, ut Luca 2:22; 24:44; Johannes 1:46, 7 7:22-23; 8:5, et alibi.
[2] Quod haec Statuta per Opera legis intelligantur a Paulo, ubi dicit, Quod homo Fide justificetur sine Operibus legis, Romanos 3:28, manifeste patet a sequentibus ibi, tum ex verbis ejus ad Petrum, quem increpavit quod judaizaret, ubi ter in uno Versu dicit, quod nemo per Opera legis justificetur, Galatas 2:14, 16. 8 QUOD PER LEGEM IN LATISSIMO SENSU INTELLIGATUR TOTUM VERBUM, patet ex his, Jesus dixit, nonne scriptum est IN LEGE VESTRA, dii estis, Johannes 10:34, hoc scriptum est Psalmus 82:6. 9 Respondit turba, nos audivimus ex LEGE, quod Christus maneat in aeternum, Johannes 12:3, hoc scriptum est Psalmus 89:30, 10 Psalmus 110:4; Daniel 7:14. Ut impleretur Verbum scriptum in LEGE ILLORUM, odio habuerunt Me sine causa, Johannes 15:10 hoc scriptum est Psalmus 35:19. Dixerunt 11 Pharisaei, num quis ex Principibus credidit in Ipsum, sed turba quae non novit LEGEM, Johannes 7:48-49. Facilius est Coelum et Terram transire, quam LEGIS UNUM APICEM cadere, Luca 16:17; 12 per Legem ibi intelligitur tota Scriptura Sacra: praeter in mille locis apud Davidem.
Poznámky pod čarou:
1. Prima editio: Exodo.
2. Prima editio: 7, 11.
3. Sic Schmidt et Biblia Hebraica, sed 6:14 ff apud Biblia Anglica.
4. Prima editio: 32.
5. Prima editio: 31.
6. Prima editio: 15. ad 19.
7. Sic Schmidt, sed 1:45 apud Novum Testamentum Graecum et Biblia Anglica.
8. Prima editio: 14, 15.
9. Prima editio: 71:10. Sic Schmidt et Biblia Hebraica, sed 89:29 apud Biblia Anglica.
Deuteronomium 17:15-19
15
eum constitues, quem Dominus Deus tuus elegerit de numero fratrum tuorum. Non poteris alterius gentis hominem regem facere, qui non sit frater tuus.
16
Cumque fuerit constitutus, non multiplicabit sibi equos, nec reducet populum in Ægyptum, equitatus numero sublevatus, præsertim cum Dominus præceperit vobis ut nequaquam amplius per eamdem viam revertamini.
17
Non habebit uxores plurimas, quæ alliciant animum ejus, neque argenti et auri immensa pondera.
18
Postquam autem sederit in solio regni sui, describet sibi Deuteronomium legis hujus in volumine, accipiens exemplar a sacerdotibus Leviticæ tribus,
19
et habebit secum, legetque illud omnibus diebus vitæ suæ, ut discat timere Dominum Deum suum, et custodire verba et cæremonias ejus, quæ in lege præcepta sunt.
