Verses 1-5. The subject of the entire chapter is the worship of the Lord from a state of freedom when regeneration is completed, and also occasionally during regeneration; and such worship from natural good is described

Verses 6-11. Then such worship from the good of innocence involved in charity, or love to the neighbour

Verses 12-16. And lastly, such worship from the good of faith, which is charity manifested through the understanding.

Verse 17. But in every state of the worship of the Lord, no one can appropriate either truth or good as his own independently of the Lord.

5915. ‘Et sustentabo te ibi’: quod significet continuum influxum vitae spiritualis a caelesti interno, constat ex significatione ‘sustentare’ cum dicitur a ‘Josepho’ per quem repraesentatur caeleste internum, quod sit influxus vitae spiritualis a caelesti interno; ‘sustentatio’ in spirituali sensu non aliud est quam influxus boni et veri per caelum a Domino, inde ¹ sustentantur angeli, et ² inde sustentatur anima hominis, hoc est, internus ejus homo; huic sustentationi correspondet sustentatio externi hominis per cibum et potum; quapropter per ‘cibum’ significatur bonum, et per ‘potum’ verum; talis etiam est correspondentia ut cum vescitur homo cibo, angeli apud illum in idea de bono et vero sint; et quod mirum, cum differentia secundum cibi species; quapropter cum homo in Sancta Cena accipit panem et vinum, angeli apud illum in idea de bono amoris et de bono fidei sunt, n. 3464, 3735, ex causa quia ‘panis’ correspondet bono amoris et ‘vinum’ bono fidei; et quia correspondent, etiam eadem significant in Verbo.

[2] Quod per cibum et potum spiritualem, hoc est, per bonum et verum, sustentetur anima hominis, hoc est, internus ³ homo, constat ⁴ a Domini verbis apud Mosen,

Non per panem solum vivit homo, sed per omne enuntiatum oris Jehovae vivit homo, Deut. 8:3, Matth. 4:4;

'enuntiatum oris Jehovae' est bonum et verum quae ab Ipso procedunt:

apud Johannem, Operamini cibum non qui perit, sed cibum qui manet in vitam aeternam, quem Filius hominis vobis dabit, 6:27:

apud eundem,

Rogarunt Jesum discipuli; dicentes, Magister, ede; Ipse dixit illis, Ego cibum habeo quem edam, quem vos nescitis, 4:31, 32:

et de potu, apud eundem,

Dixit Jesus, Si quis sitiverit, venito ad Me et bibito; quisquis credit in Me, sicut dixit Scriptura, flumina e ventre ejus fluent aquae viventis, 7:37, 38.

Poznámky pod čarou: