Apocalypsis Revelata # 534
534. "Et super capite corona stellarum duodecim," significat sapientiam et intelligentiam ejus ex cognitionibus Divini et Divini Veri ex Verbo. - Per "coronam super capite" significatur sapientia et intelligentia (189, 235, 252); per "stellas" significantur cognitiones Divini Boni et Divini Veri ex Verbo (51, 420); et per "duodecim" significantur omnia Ecclesiae, quae se referunt ad bonum et verum ejus (348); inde nunc per "Coronam stellarum duodecim super capite Mulieris" significatur sapientia ac intelligentia Novae Ecclesiae ex cognitionibus Divini Boni et Divini Veri ex Verbo.
II ad Timotheum 1:10
10
Manifestata est autem nunc per illuminationem Salvatoris nostri Jesu Christi, qui destruxit quidem mortem, illuminavit autem vitam, et incorruptionem per Evangelium :
