Novokřesťanské studium Bible

Bible

 

Hoschea 12

Studie

   

1 Ephraim pascit ventum, et sequitur æstum ; tota die mendacium et vastitatem multiplicat : et fœdus cum Assyriis init, et oleum in Ægyptum ferebat.

2 Judicium ergo Domini cum Juda, et visitatio super Jacob : juxta vias ejus, et juxta adinventiones ejus reddet ei.

3 In utero supplantavit fratrem suum, et in fortitudine sua directus est cum angelo.

4 Et invaluit ad angelum, et confortatus est ; flevit, et rogavit eum. In Bethel invenit eum, et ibi locutus est nobiscum.

5 Et Dominus Deus exercituum, Dominus memoriale ejus.

6 Et tu ad Deum tuum converteris ; misericordiam et judicium custodi, et spera in Deo tuo semper.

7 Chanaan, in manu ejus statera dolosa, calumniam dilexit.

8 Et dixit Ephraim : Verumtamen dives effectus sum ; inveni idolum mihi : omnes labores mei non invenient mihi iniquitatem quam peccavi.

9 Et ego Dominus Deus tuus ex terra Ægypti : adhuc sedere te faciam in tabernaculis, sicut in diebus festivitatis.

10 Et locutus sum super prophetas, et ego visionem multiplicavi, et in manu prophetarum assimilatus sum.

11 Si Galaad idolum, ergo frustra erant in Galgal bobus immolantes ; nam et altaria eorum quasi acervi super sulcos agri.

12 Fugit Jacob in regionem Syriæ, et servivit Israël in uxorem, et in uxorem servavit.

13 In propheta autem eduxit Dominus Israël de Ægypto, et in propheta servatus est.

14 Ad iracundiam me provocavit Ephraim in amaritudinibus suis : et sanguis ejus super eum veniet, et opprobrium ejus restituet ei Dominus suus.

   

Ze Swedenborgových děl

 

Doctrina Novae Hierosolymae de Domino # 39

Prostudujte si tuto pasáž

  
/ 65  
  

39. (ii., ( Quod Dominus dicatur Deus Israelis et Deus Jacobi, patet ex his:-

"Sumpsit Moses sanguinem, et sparsit super populum, et dixit, Ecce sanguis foederis, quod pepigit Jehovah vobiscum... Et viderunt Deum Israelis, sub cujus pedibus erat quasi opus lapidis sapphiri, et quasi substantia caeli" (Exodus 24(:8-10)).

"Turbae miratae sunt, cum viderunt mutos loquentes,... claudos ambulantes, caecos videntes, et glorificabant Deum Israelis" (Matthaeum 15:31).

"Benedictus Dominus Deus Israelis, quia visitavit, et fecit liberationem populo suo" Israeli, "cum erexit cornu salutis nostrae in domo Davidis" (Lucam 1:68-69).

"Dabo Tibi thesauros tenebrarum, et occultas opes latibulorum, ut cognoscas quod Ego Jehovah, qui vocavi... nomine tuo, Deus Israelis" (Esaiam 45:3).

"Domus Jacobi,... qui jurant in nomen Jehovae" et Dei Israelis: "nam ab urbe sanctitatis vocantur, et super Deo Israelis nituntur, Jehovah Zebaoth nomen Ipsius" (Esaiam 48:1-2).

Jacob videbit "natos suos..., in medio ejus sanctificabunt nomen meum, et sanctificabunt Sanctum Jacobi, Deumque Israelis timebunt" (Esaiam 29:23).

"In extremitate dierum... ibunt populi multi et dicent, Ite et ascendamus ad montem Jehovae, ad domum Dei Jacob, qui docebit nos de viis suis, ut eamus in semitis Ipsius" (Esaiam 2:(2,) 3; Micham 4:(1,) 2).

"Ut sciat omnis caro, quod Ego Jehovah Salvator tuus, et Redemptor tuus Fortis Jacobi" (Esaiam 49:26).

"Ego Jehovah Salvator tuus, et Redemptor tuus Potens Jacobi" (Esaiam 60:16).

"A coram Domino parturis, terra, a coram Deo Jacobi" (Psalmus 114:7).

David "juravit Jehovae, vovit Forti Jacobi, Si intravero intra tentorium domus meae,... usque dum invenero locum Jehovae, habitacula Forti Jacobi:... audivimus de Eo in Ephrata (Bethlechem)" (Psalmus 132:2-3, 5-6).

"Benedictus... Deus Israelis;... implebitur gloria Ipsius omnis terra" (Psalmus 72:18-19 1 ).

Praeter alibi, ubi Dominus vocatur Deus Israelis, Redemptor et Salvator (ut Lucam 1:47; Esaiam 45:15; 54:5; Psalmus 78:35 2 ).

Ac multis aliis in locis, ubi solum Deus Israelis (ut Esaiam 17:6; 21:10, 17; 24:15; 29:23; 3 Jeremiam 7:3; 9:14 (B.A. 15); 11:3; 13:12; 16:9; 19:3, 15; 23:2; 24:5; 25:15, 27; 29:4, 8, 21, 25; 30:2; 31:23; 32:14-15, 36; 38:4; 34:2, 13, 17-19; 37:7; 28:17; 39:16; 42:9, 15, 18; 43:10; 44:2, 11, 25; 48:1; 50:18; 51:33; Ezechiel 8:4; 9:3; 10:19-20, 11:22; 4 43:2; 44:2; Zephaniam 2:9; Psalmus 41:14 (B.A. 13); Psalmus 59:6 (B.A. Psalmus 59:5); Psalmus 68:9 (B.A. Psalmus 68:8)).

Poznámky pod čarou:

1. 18-19 pro "19-20"

2. 35 pro "31"

3. xxix. pro "xix."

4. 22 pro "2"

  
/ 65  
  

Bible

 

Esaias 54:5

Studie

       

5 Quia dominabitur tui qui fecit te, Dominus exercituum nomen ejus, et redemptor tuus, Sanctus Israël, Deus omnis terræ vocabitur.

©2024 New Christian Bible Study Corporation. All rights reserved. Printed from newchristianbiblestudy.org