Novokřesťanské studium Bible

Bible

 

Exodus 22

Studie

   

1 Si quis furatus fuerit bovem aut ovem, et occiderit vel vendiderit : quinque boves pro uno bove restituet, et quatuor oves pro una ove.

2 Si effringens fur domum sive suffodiens fuerit inventus, et accepto vulnere mortuus fuerit, percussor non erit reus sanguinis.

3 Quod si orto sole hoc fecerit, homicidium perpetravit, et ipse morietur. Si non habuerit quod pro furto reddat, ipse venundabitur.

4 Si inventum fuerit apud eum quod furatus est, vivens : sive bos, sive asinus, sive ovis, duplum restituet.

5 Si læserit quispiam agrum vel vineam, et dimiserit jumentum suum ut depascatur aliena : quidquid optimum habuerit in agro suo, vel in vinea, pro damni æstimatione restituet.

6 Si egressus ignis invenerit spinas, et comprehenderit acervos frugum, sive stantes segetes in agris, reddet damnum qui ignem succenderit.

7 Si quis commendaverit amico pecuniam aut vas in custodiam, et ab eo, qui susceperat, furto ablata fuerint : si invenitur fur, duplum reddet :

8 si latet fur, dominus domus applicabitur ad deos, et jurabit quod non extenderit manum in rem proximi sui,

9 ad perpetrandam fraudem, tam in bove quam in asino, et ove ac vestimento, et quidquid damnum inferre potest : ad deos utriusque causa perveniet, et si illi judicaverit, duplum restituet proximo suo.

10 Si quis commendaverit proximo suo asinum, bovem, ovem, et omne jumentum ad custodiam, et mortuum fuerit, aut debilitatum, vel captum ab hostibus, nullusque hoc viderit :

11 jusjurandum erit in medio, quod non extenderit manum ad rem proximi sui : suscipietque dominus juramentum, et ille reddere non cogetur.

12 Quod si furto ablatum fuerit, restituet damnum domino ;

13 si comestum a bestia, deferat ad eum quod occisum est, et non restituet.

14 Qui a proximo suo quidquam horum mutuo postulaverit, et debilitatum aut mortuum fuerit domino non præsente, reddere compelletur.

15 Quod si impræsentiarum dominus fuerit, non restituet, maxime si conductum venerat pro mercede operis sui.

16 Si seduxerit quis virginem necdum desponsatam, dormieritque cum ea : dotabit eam, et habebit eam uxorem.

17 Si pater virginis dare noluerit, reddet pecuniam juxta modum dotis, quam virgines accipere consueverunt.

18 Maleficos non patieris vivere.

19 Qui coierit cum jumento, morte moriatur.

20 Qui immolat diis, occidetur, præterquam Domino soli.

21 Advenam non contristabis, neque affliges eum : advenæ enim et ipsi fuistis in terra Ægypti.

22 Viduæ et pupillo non nocebitis.

23 Si læseritis eos, vociferabuntur ad me, et ego audiam clamorem eorum :

24 et indignabitur furor meus, percutiamque vos gladio, et erunt uxores vestræ viduæ, et filii vestri pupilli.

25 Si pecuniam mutuam dederis populo meo pauperi qui habitat tecum, non urgebis eum quasi exactor, nec usuris opprimes.

26 Si pignus a proximo tuo acceperis vestimentum, ante solis occasum reddes ei.

27 Ipsum enim est solum, quo operitur, indumentum carnis ejus, nec habet aliud in quo dormiat : si clamaverit ad me, exaudiam eum, quia misericors sum.

28 Diis non detrahes, et principi populi tui non maledices.

29 Decimas tuas et primitias tuas non tardabis reddere : primogenitum filiorum tuorum dabis mihi.

30 De bobus quoque, et ovibus similiter facies : septem diebus sit cum matre sua, die octava reddes illum mihi.

31 Viri sancti eritis mihi : carnem, quæ a bestiis fuerit prægustata, non comedetis, sed projicietis canibus.

   

Komentář

 

335 - Of Interest

Napsal(a) Jonathan S. Rose

Title: Of Interest

Topic: The Word

Summary: The Old Testament commands us not to charge interest on loans, but a couple of parables in the New Testament chide us for NOT, at the very least, putting our money in the bank and getting interest? What is going on?

References:
Ex 22:25-27
Lev 25:35-37
Deut 23:19-20
Nehemiah 5:1-12
Psalms 15
Proverbs 28:6-8
Jeremiah 15:10
Ezekiel 18:5-17; 22:6-16
Luke 6:32-36
Matthew 25:14-30
Luke 19:12-13, 16-25

This video is a part of the Spirit and Life Bible Study series, whose purpose is to look at the Bible, the whole Bible, and nothing but the Bible through a Swedenborgian lens.

Přehrát video
Spirit and Life Bible Study broadcast from 4/4/2018. The complete series is available at: www.spiritandlifebiblestudy.com

Ze Swedenborgových děl

 

Arcana Coelestia # 9209

Prostudujte si tuto pasáž

  
/ 10837  
  

9209. ‘Si argentum mutuo dederis populo [Meo] egeno cum te’: quod significet instructionem illorum qui in ignorantia veri et usque in desiderio discendi, constat ex significatione ‘argenti’ quod sit verum, de qua n. 1551, 2048, 2954, 1 5658, 6112, 6914, 6917, 7999, 8932; ex significatione ‘mutuo dare’ quod sit communicare bona caeli ex affectione charitatis, de qua n. 9174, ita instruere; ex significatione ‘populi’ quod sint qui in veris, hic in ignorantia veri, quia dicitur ‘populus egenus’; quod ‘populus’ dicantur qui in veris, videatur n. 1259, 1260, 2928, 3295, 3581, 7207; et ex significatione ‘egeni’ quod sint qui in ignorantia veri et usque in desiderio discendi, hi enim in egestate spirituali sunt, qui instruendi.

[2] In Verbo frequenter dicitur quod benefaciendum pauperibus et egenis; qui in veris externis sunt et nondum initiati veris internis, credunt quod benefaciendum quibuscumque qui alicujus opis indigent, imprimis mendicis qui se prae aliis pauperes vocant; qui hoc faciunt ex oboedientia, quia ita mandatum est, bene faciunt, nam per id externum initiantur in internum charitatis et misericordiae; internum charitatis et misericordiae est perspicere quinam et quales sunt quibus benefaciendum est, et quomodo cuivis; qui tandem in internum charitatis et misericordiae initiati sunt sciunt quod ipsum internum sit bene velle et benefacere interno 2 homini, ita cum talibus quae ad vitam spiritualem conducunt, et quod externum sit benefacere externo homini, ita cum talibus quae ad vitam corpoream conducunt; sed hoc usque semper cum hac prudentia, ut cum benefit externo, etiam 3 tunc simul benefiat interno; nam qui benefacit externo et malefacit interno, is non charitatem exercet, quapropter cum unum fit alterum spectabitur.

[3] Externum charitatis est quod 4 describitur in sensu Verbi externo seu litterali per quod benefaciendum sit pauperibus et egenis, at internum charitatis est quod describitur in sensu Verbi interno seu spirituali; in hoc enim sensu intelligitur internus homo qui in paupertate et egestate est, cui benefaciendum, nam per ‘pauperes et egenos’ in illo sensu intelliguntur qui in defectu et ignorantia boni et veri sunt et usque desiderant bonum et verum; quomodo his opitulandum sit, Verbum etiam docet in littera, imprimis Verbum quod Ipse Dominus docuit cum fuit in mundo, nam Dominus tunc aperuit talia quae interni hominis sunt, ut patet ubivis apud Evangelistas; sed usque ita locutus est ut singula simul sensum internum haberent, qui pro angelis et simul pro internae Ecclesiae homine, nam sensus internus continet talia quae genuina doctrina Ecclesiae docet; sint pro exemplo illa quae Dominus locutus est ad discipulos a Johanne Baptista missos, quaerendi causa num Dominus esset qui venire deberet; quibus responsum est, Euntes renuntiate Johanni quae videritis et audiveritis, quod caeci videant, claudi ambulent, leprosi mundentur, surdi audiant, pauperibus evangelium praedicetur, Luc. 7:20, 22 5 ;

[4] haec pro externo et simul interno homine dicta sunt; pro externo, quod talia miracula facta sint, pro interno, quod Ecclesia 6 instauretur apud tales qui in spirituali sensu sunt caeci, claudi, leprosi, surdi, et pauperes, ita apud gentes quae in ignorantia boni et veri sunt et usque desiderant ea; ‘caeci’ enim 7 dicuntur qui in ignorantia veri, n. 6990, ‘claudi’ qui in bono sed non genuino propter ignorantiam veri, n. 4302, ‘leprosi’ qui immundi 8 et usque desiderant mundari, ‘surdi’ qui non in fide veri quia non in perceptione ejus, ‘pauperes’ autem qui Verbum non habent, et sic nihil de Domino sciunt, et usque desiderant instrui; inde dicitur quod his 9 evangelium praedicetur.

[5] Quod per ‘pauperes et egenos’ in sensu interno intelligantur qui extra Ecclesiam in ignorantia veri sunt quia non habent Verbum, et tamen desiderant instrui, et per id quod sciunt usque in pauco bono sunt, et intra Ecclesiam qui ex varia causa ignorant verum, sed usque ex aliquo bono desiderant illud, constat ex locis ubi ‘pauperes et egeni’ in Verbo nominantur, ut apud Davidem,

Ego egenus et pauper, Deus, festina mihi; auxilium meum et ereptor meus, Jehovah, Ps. 70:6 [KJV Ps. 70:5];

haec locutus est David qui non pauper et egenus erat, ex quo patet quod intellecta sit paupertas et egestas spiritualis: similiter alibi, Ego egenus et pauper, Domine; memento mei, auxilium meum et ereptor meus, Ps. 40:18 [KJV Ps. 40:17]:

apud eundem,

Deus judicabit populum Suum in justitia, et egenos Suos in judicio; ferent montes pacem 10 populo, et colles in justitia; judicabit egenos populi, servabit filios pauperis, conteret oppressorem, Ps. 72:2-4;

‘egeni’ hic sunt qui in egestate spirituali et sic in fame, hoc est, in desiderio 11 velle veris instrui:

apud eundem,

[6] Omnia ossa mea dicant, Jehovah, quis sicut Tu, eripiens egenum a validiore illo, ac egenum et pauperem a spoliantibus illum? Ps. 35:10;

‘ossa’ sunt vera scientifica, n. 8005, ‘egeni’ hic pro illis qui in pauco vero sunt, et ‘pauperes’ pro illis qui in pauco 12 bono, ac infestantur a malis et falsis; ex infestationibus illis etiam egeni sunt ‘afflicti’ in lingua originali, nam affligi est infestari a falsis, n. 9196:

similiter apud eundem,

Impius in tentorio insidiatur ad rapiendum egenum, rapit egenum et trahit eum in rete suum, Ps. 10:9:

apud Esaiam,

Nonne hoc jejunium, frangere famelico panem, et egenos 13 exules introducere 14 domum? 58:7, 8:

apud eundem,

Consolatus est Jehovah populum Suum, et egenorum Suorum miserebitur, 49:13:

apud Zephaniam, Relinquam in medio tui populum egenum et tenuem, qui sperant in nomine Jehovae, 3:12;

in his locis ‘egeni’ sunt qui in ignorantia veri sunt et desiderant instrui.

Poznámky pod čarou:

1. The editors of the third Latin edition made a minor correction here. For details, see the end of the appropriate volume of that edition.

2. hominis

3. The following two (or in some cases more) words are transposed in the Manuscript.

4. The editors of the third Latin edition made a minor correction here. For details, see the end of the appropriate volume of that edition.

5. The editors of the third Latin edition made a minor correction here. For details, see the end of the appropriate volume of that edition.

6. The Manuscript places this after tales.

7. sunt

8. sed

9. The editors of the third Latin edition made a minor correction here. For details, see the end of the appropriate volume of that edition.

10. populi

11. in

12. boni, in the First Latin Edition and in the Second Latin Edition

13. The editors of the third Latin edition made a minor correction here. For details, see the end of the appropriate volume of that edition.

14. The Manuscript inserts in.

  
/ 10837  
  

This is the Third Latin Edition, published by the Swedenborg Society, in London, between 1949 and 1973.

©2024 New Christian Bible Study Corporation. All rights reserved. Printed from newchristianbiblestudy.org