Bible

 

Deuteronomium 33

Studie

   

1 Hæc est benedictio, qua benedixit Moyses, homo Dei, filiis Israël ante mortem suam.

2 Et ait : Dominus de Sinai venit, et de Seir ortus est nobis : apparuit de monte Pharan, et cum eo sanctorum millia. In dextera ejus ignea lex.

3 Dilexit populos, omnes sancti in manu illius sunt : et qui appropinquant pedibus ejus, accipient de doctrina illius.

4 Legem præcepit nobis Moyses, hæreditatem multitudinis Jacob.

5 Erit apud rectissimum rex, congregatis principibus populi cum tribubus Israël.

6 Vivat Ruben, et non moriatur, et sit parvus in numero.

7 Hæc est Judæ benedicio : Audi, Domine, vocem Judæ, et ad populum suum introduc eum : manus ejus pugnabunt pro eo, et adjutor illius contra adversarios ejus erit.

8 Levi quoque ait : Perfectio tua, et doctrina tua viro sancto tuo, quem probasti in tentatione, et judicasti ad aquas contradictionis.

9 Qui dixit patri suo et matri suæ : Nescio vos : et fratribus suis : Ignoro vos : et nescierunt filios suos. Hi custodierunt eloquium tuum, et pactum tuum servaverunt.

10 Judicia tua, o Jacob, et legem tuam, o Israël : ponent thymiama in furore tuo, et holocaustum super altare tuum.

11 Benedic, Domine, fortitudini ejus : et opera manuum illius suscipe. Percute dorsa inimicorum ejus : et qui oderunt eum, non consurgant.

12 Et Benjamin ait : Amantissimus Domini habitabit confidenter in eo : quasi in thalamo tota die morabitur, et inter humeros illius requiescet.

13 Joseph quoque ait : De benedictione Domini terra ejus, de pomis cæli, et rore, atque abysso subjacente.

14 De pomis fructuum solis ac lunæ,

15 de vertice antiquorum montium, de pomis collium æternorum :

16 et de frugibus terræ, et de plenitudine ejus. Benedictio illius qui apparuit in rubo, veniat super caput Joseph, et super verticem nazaræi inter fratres suos.

17 Quasi primogeniti tauri pulchritudo ejus, cornua rhinocerotis cornua illius : in ipsis ventilabit gentes usque ad terminos terræ. Hæ sunt multitudines Ephraim : et hæc millia Manasse.

18 Et Zabulon ait : Lætare, Zabulon, in exitu tuo, et Issachar in tabernaculis tuis.

19 Populos vocabunt ad montem : ibi immolabunt victimas justitiæ. Qui inundationem maris quasi lac sugent, et thesauros absconditos arenarum.

20 Et Gad ait : Benedictus in latitudine Gad : quasi leo requievit, cepitque brachium et verticem.

21 Et vidit principatum suum, quod in parte sua doctor esset repositus : qui fuit cum principibus populi, et fecit justitias Domini, et judicium suum cum Israël.

22 Dan quoque ait : Dan catulus leonis, fluet largiter de Basan.

23 Et Nephthali dixit : Nephthali abundantia perfruetur, et plenus erit benedictionibus Domini : mare et meridiem possidebit.

24 Aser quoque ait : Benedictus in filiis Aser, sit placens fratribus suis, et tingat in oleo pedem suum :

25 ferrum et æs calceamentum ejus. Sicut dies juventutis tuæ, ita et senectus tua.

26 Non est deus alius ut Deus rectissimi , ascensor cæli, auxiliator tuus. Magnificentia ejus discurrunt nubes,

27 habitaculum ejus sursum, et subter brachia sempiterna ejiciet a facie tua inimicum, dicetque : Conterere.

28 Habitabit Israël confidenter, et solus. Oculus Jacob in terra frumenti et vini, cælique caligabunt rore.

29 Beatus es tu, Israël : quis similis tui, popule, qui salvaris in Domino ? Scutum auxilii tui, et gladius gloriæ tuæ : negabunt te inimici tui, et tu eorum colla calcabis.

   

Ze Swedenborgových děl

 

Arcana Coelestia # 10182

Prostudujte si tuto pasáž

  
/ 10837  
  

10182. ‘Ex illo cornua ejus’: quod significet veri potentias ex bono amoris et charitatis, constat ex significatione ‘cornuum’ quod sint potentiae veri, de qua n. 2832, 9719-9721; quod ex bono amoris e charitatis, est quia omnis potentia veri inde est; quapropter etiam cornua continuabantur ipsi altari, seu ex illo erant; altare enim hoc erat repraesentativum auditionis et receptionis omnium cultus quae ex amore et charitate a Domino, n. 10177.

[2] Quod omnis potentia sit veri ex bono amoris, non capere possunt illi qui de potentia solum materialem ideam habent, quapropter dicendum est quomodo cum illa se habet: in caelis est omnis potentia ex Divino Vero procedente ex Divino Bono Domini; inde angelis est potentia, angeli enim sunt 1 receptiones Divini Veri a Domino, n. 1752, 4295, 8192; per potentiam quae inde, illi tutantur hominem 2 , removendo inferna ab illo, nam unus angelus valet contra mille qui ex infernis; haec potentia est quae intelligitur per claves Petri, sed per Petrum, qui ibi vocatur petra, intelligitur Dominus quoad verum 3 fidei ex bono amoris, videatur Praefatio ad Gen. xxii, et n. 4 3750, 4738, 6000, 6073 fin. , 6344 fin. , 10087, et quod ‘petra’ sit Dominus quoad verum fidei 5 , n. 8581.

[3] Divini Veri potentia etiam intelligitur per ‘vocem Jehovae’ apud Davidem,

Vox Jehovae super aquis, vox Jehovae in virtute, vox Jehovae frangit cedros, vox Jehovae incidit flammam ignis, vox Jehovae 6 trepidare facit desertum, vox Jehovae denudat silvas; Jehovah robur populo Suo dat, Ps. 29 [3-5, 7-9, 11];

quod ‘vox Jehovae’ sit 7 Divinum Verum procedens a Divino Bono Ipsius, videatur n. 9926:

[4] potentia Divini Veri 8 etiam intelligitur per Verbum apud Johannem, Omnia per Verbum facta sunt, et sine Ipso factum est nihil quod factum est, 13; quod ‘Verbum’ sit 9 Divinum Verum procedens a Divino Bono, videatur n. 9987; ideo quoque Dominus cum in mundo fuit, Se primum fecit Divinum Verum, quod etiam intelligitur per quod Verbum caro factum sit, ibid. 10 vers. 14; quod Dominus tunc Se fecerit Divinum Verum, erat causa 11 ut pugnaret contra omnia inferna et subjugaret illa, et sic 12 redigeret omnia ibi, et simul 13 in caelis in ordinem n. 9715, 9809, 10019, 10152 14 .

[5] Quod veris ex bono sit omnis potentia, et vice versa 15 , quod falsi ex malo sit nulla potentia, notissimum est in altera vita; inde est quod malis qui ex mundo illuc veniunt, 16 auferatur fides persuasiva, ut e cognitio omnis veri, et sic relinquuntur falsis sui mali.

[6] Quod talis potentia veris ex bono sit, non capere possunt illi qui ideam veri et ejus fidei habent sicut de solo cogitativo; cum tamen cogitativum hominis ex voluntario ejus facit omne robur corporis, quod si inspiraretur a Domino per Divinum Suum Verum, foret homini robur Simsonis; sed beneplacet Domino ut homini 17 18 sit robur per fidem ex amore quoad illa quae ejus spiritus sunt, et ad salutem aeternam conducunt. Ex his constare potest quid intelligitur per potentiam veri e bono, quae per cornua altarium tam holocausti quam suffitus significatur 19 .

[7] Quod ‘cornua’ significent potentiam illam, constat ex locis is Verbo ubi ‘cornua’ nominantur, ut apud Ezechielem,

In die illo crescere faciam cornu domui Israelis, 29:21:

apud Amos,

Nonne per fortitudinem nostram sumpsimus nobis cornua? Amos 5:13 20 : in libro Primo Samuelis, Jehovah dabit robur regi 21 Suo et exaltabit cornu uncti Sui, 2:10:

apud Davidem,

Jehovah exaltavit cornu populi Sui, Ps. 148:14:

apud eundem,

Omnia cornua impiorum amputabo; exaltentur cornua justi Ps. 75:11 [KJV 10:

apud Jeremiam,

Dominus abscidit in excandescentia irae Suae omne cornu Israelis; et exaltavit cornu inimicorum tuorum, Threni 2:3, 17:

apud Ezechielem,

Latere et umero impellitis, et cornibus vestris feritis omnes oves infirmas, donec disperseritis eas foras, 34:21:

apud Sachariam, Vidi quattuor cornua: dixit angelus, Haec cornua quae disperserunt Jehudam, Israelem, et Hierosolymam; fabri venerunt 22 ad dejiciendum cornua gentium, attollentium cornu contra terram Jehudae, 2:1-4 [KJV 1:18-21];

apud Moschen, Cornua 23 monocerotis cornua ejus, his populos feriet una ad fines terrae, Deut. 33:17;

quod in his locis per ‘cornua’ significetur potentia, patet, et quidem potentia in utroque sensu, nempe veri contra falsum et falsi contra verum, nam ubivis ibi in sensu interno agitur de statu Ecclesiae:

[8] similiter apud Amos, In die illo visitabo super altaria Bethelis, et ex scindentur cornua altaris, et cadent in terram, 3:14;

per ‘altaria Bethelis’ et per ‘cornua ejus’ significantur mala et falsa destruentia bonum et verum Ecclesiae, de quibus dicitur quod exscindentur.

[9] Ex his constare potest quid intelligitur per ‘cornua’, quorum tam frequens mentio fit apud Danielem et apud Johannem in Apocalypsi:

apud Danielem,

Quod bestiae essent decem cornua, et quoque ei cornu loquens, 7:8, 11, 20, quod cornu faceret bellum cum sanctis, et praevaleret, usque dum venit Filius hominis, vers. 24 11, 21, 22, 24; et de cornibus arietis, et de cornibus hirci caprarum, per quae bellum inter se facerent, 8:3-21;

et apud Johannem, Quod draconi essent decem cornua, Apoc. 12:3, similiter bestiae e mari ascendenti, 13:1, 25 tum bestiae coccineae, 17:12, ubi etiam dicitur quod decem cornua sint decem reges, vers. 13, 14, 14; 26 similiter apud Danielem 7:24;

quod per ‘reges’ in Verbo significentur vera et in opposito sensu falsa, videatur n. 1672, 2015, 2069, 3009, 4575, 4581, 4966, 5044, 5068, 6148.

[10] Quia per ‘cornu’ significatur verum in sua potentia et in opposito sensu falsum destruens verum, ideo 27 cornu tribuitur loquela, Apoc. 9:13; Dan. 28 7:8; Ps. 22:22 [KJV Ps. 22:21].

[11] Quod reges uncti fuerint oleo ex cornu, 1 Sam. 16:1, 13; 1 Reg. 1:39, repraesentabat verum ex bono in sua potentia, cornua enim sunt vera in sua potentia, 29 oleum est bonum, et reges 30 illi qui in veris ex bono; quod ‘oleum’ sit bonum, videatur n. 886, 9780, et quod ‘reges’ sint illi qui in veris ex bono, ita abstracte vera ex bono, n. 6148; inde quoque est quod 31 cornu dicatur germinare, Ps. 132:17 32 , quoniam omnis germinatio spiritualis est veri ex bono; quare etiam olim cornua germinantia fecerunt. Quod omnis potentia sit bono per verum, seu quod idem, sit 33 vero ex bono, videantur citata n. x10019.

Poznámky pod čarou:

1. inde angeli omnem suam potentiam habent, sunt enim angeli

2. quae inde illis tutantur angeli hominem

3. The Manuscript inserts quod.

4. The editors of the third Latin edition made a minor correction here. For details, see the end of the appropriate volume of that edition.

5. fides quae veri a Domino, ita Dominus quoad fidem

6. The editors of the third Latin edition made a minor correction here. For details, see the end of the appropriate volume of that edition.

7. per vocem Jehovae significatur

8. haec potentia

9. per Verbum etiam significatur

10Joh. 1

11. ob causam

12. simul

13. ut et

14. 1

15. consequenter

16. The editors of the third Latin edition made a minor correction here. For details, see the end of the appropriate volume of that edition.

17. ei

18. The following two (or in some cases more) words are transposed in the Manuscript.

19. significetur, in the First Latin Edition and in the Second Latin Edition

20. The editors of the third Latin edition made a minor correction here. For details, see the end of the appropriate volume of that edition.

21. The editors of the third Latin edition made a minor correction here. For details, see the end of the appropriate volume of that edition.

22. The Manuscript inserts etiam.

23. See Volume VII page 404 note 5

24. The editors of the third Latin edition made a minor correction here. For details, see the end of the appropriate volume of that edition.

25. similiter etiam

26. ut et

27. The Manuscript inserts quoque.

28. The editors of the third Latin edition made a minor correction here. For details, see the end of the appropriate volume of that edition.

29. The Manuscript inserts etiam.

30. sunt vera regnantia

31. The following two (or in some cases more) words are transposed in the Manuscript.

32. The editors of the third Latin edition made a minor correction here. For details, see the end of the appropriate volume of that edition.

33. veri, in the First Latin Edition and in the Second Latin Edition

  
/ 10837  
  

This is the Third Latin Edition, published by the Swedenborg Society, in London, between 1949 and 1973.

Ze Swedenborgových děl

 

Arcana Coelestia # 9643

Prostudujte si tuto pasáž

  
/ 10837  
  

9643. ‘Et quadraginta bases argenti’: quod significet plenariam sustentationem per verum, constat ex significatione ‘quadraginta’ quod sint plenarium, de qua n. 9437, ex significatione ‘basium’ quod sint sustentatio, bases enim 1 sustentant, et ex significatione ‘argenti’ quod sit verum, de qua n. 1551, 2954, 5658, 6112, 6914, 6917, 7999. Quod bases 2 ex argento, et asseres obducti 3 auro, erat causa quia per ‘asseres’ significatur bonum, n. 9634, et per ‘bases’ verum, et bono est potentia et sic sustentatio per verum; quod bono sit potentia per verum, videatur, n. 6344, 4 6423, 9327, 9410, et quod ‘aurum’ sit bonum, ac ‘argentum’ verum, n. 113, 1551, 1552, 5658, 6914, 6917, 8932, 9490, 9510; quod bono sit potentia per verum, est quia verum est forma boni, et bonum sic habet quale, nam ubi quale ibi forma 5 , ita habet per quod operari potest in aliud, hoc vel illo modo; inde est quod bono sit facultas, sed non determinata nisi per verum; facultas determinata est potentia actualis; proinde 6 potentia sustentans.

[2] Bases etiam correspondent pedibus et plantis pedum in homine in genere ossibus, quae sustentant omne carneum in corpore, et per pedes et per ossa similiter significatur verum sustentans, et per carneum in corpore bonum quod se per verum sustentat; quod omnia in natura se referant ad formam humanam, et secundum relationem ad illam significent, 7 videatur n. 9496; quod caro sit bonum, 8 n. 3813, 6968, 7850, 9127, quod pedes sint naturale, ita verum in potentia a bono n. 5327, 5328, quod corpus sit bonum, n. 6135 9 , 10 quod ossa sint verum sustentans, n. 11 3812 fin. , 8005;

[3] inde quoque est quod fundamentum, quod est communis basis, sit verum fidei et 12 ipsa fides, ut constare potest ex locis in Verbo ubi ‘fundamentum’ dicitur, ut apud Esaiam,

Annon scitis, annon auditis, annon intelligitis fundamenta terrae? 40:21;

qui non scit quid significatur per ‘fundamentum’ et quid per ‘terram’, non aliter capit 13 quam quod 14 ima telluris ibi per fundamenta terrae intelligantur, tametsi percipere potest, si attenderit, quod aliud intelligatur 15 , quid enim foret scire, audire, et intelligere fundamenta terrae? inde constare potest 16 quod per ‘fundamenta terrae’ significentur talia quae 17 sunt Ecclesiae; quod ‘terra’ in Verbo sit Ecclesia, patet 18 manifeste a 19 locis in Verbo ubi ‘terra’ nominatur 20 , videantur citata n. 9325; et 21 quod fundamenta ejus sint vera fidei, haec enim Ecclesiae sunt 22 pro fundamentis, ut quoque constare potest adhuc a sequentibus his locis:

apud Davidem,

Non agnoscunt, nec intelligunt, in tenebris ambulant, vacillant omnia fundamenta terrae, Ps. 82:5;

quod fundamenta terrae non vacillent, sed vera Ecclesiae illis qui non agnoscunt, non intelligunt, et in tenebris ambulant, patet:

apud eundem,

Commota est et contremuit terra, et fundamenta montium trepidarunt, et commoverunt se, Ps. 18:8 [KJV Ps. 18:7];

‘montes’ sunt bona amoris, n. 795, 4210, 6435, 8327, ‘fundamenta’ illorum sunt vera fidei:

apud Esaiam,

Cataractae ab alto apertae sunt, et commota sunt fundamenta terrae, 24:18 23 .

[4] Quia ‘fundamentum’ est verum fidei, et ‘urbs’ doctrina ejus, ideo etiam in Verbo dicitur ‘fundamentum urbis’ cum intelligitur verum doctrinae; 24 quod ‘urbs’ sit doctrina veri 25 , videatur n. 402, x2449, 2943, 3216, 4492, 4493; inde constare potest quid significatur per ‘fundamenta urbis sanctae Hierosolymae’ apud Johannem, Murus urbis sanctae Hierosolymae habebat fundamenta duodecim, et in illis nomina duodecim apostolorum Agni; fundamenta muri urbis omni lapide pretioso exornata, Apoc. 21:14, 19, 20 26 ; qui non scit quid ‘sancta Hierosolyma’, quid ‘urbs’, quid murus, : quid ‘fundamentum’, et quid ‘duodecim apostoli’ significant, nihil arcani quod ibi 27 latet, videre potest, cum tamen per ‘sanctam Hierosolymam’ intelligitur Nova Domini Ecclesia, huic nostrae successura 28 , per ‘urbem’ doctrina, per ‘murum’ verum tutans et defendens, per ‘fundamenta ejus’ fidei vera, 29 per ‘duodecim apostolos’ omnia boni amoris et vera 30 fidei in complexu; inde constare potest cur dicitur 31 fundamenta erunt duodecim, et illa omni lapide pretioso exornata lapis enim pretiosus est verum fidei ex bono amoris, n. 114, 3858, 6640, 9476, et duodecim apostoli sunt omnia amoris et fidei in complexu, n. 3488, 3858 fin. , 6397;

[5] inde patet 32 quid significatur per ‘fundamenta’ ibi, et quoque per ‘fundamenta’ apud Esaiam,

Ecce Ego disponens cum stibio lapides tuos, et fundamenta tua ponant in sapphiris, 54:11;

‘sapphiri’ sunt vera interiora 33 , n. 9407 apud eundem,

Jehovah baculo percutiet Aschurem: tunc 34 erit omni transitus baculi fundamenti, super quo faciet requiescere Jehovah 30:31, 32;

‘baculus fundamenti’ est potentia veri; quod ‘baculus’ sit potentia, videatur n. 4013, 4015, 4876, 4936, 6947, 7011, 7026:

et apud Jeremiam,

Non sument de te lapidem pro angulo, aut lapidem fundamentorum, 51:26;

[6] ‘lapis fundamentorum’ pro veris fidei: apud Hiobum, Ubi fuisti cum fundavi terram, indica si nosti intelligentiam; quis posuit mensuras ejus, si scis? super quid bases ejus, aut quis posuit lapidem anguli ejus? cum 35 canerent simul stellae matutae, et clangerent omnes filii Dei, 38:4-7;

qui non scit quid in sensu interno significat ‘terra’, ‘mensurae ejus’, ‘bases ejus’, tum quid ‘lapis anguli’, ‘stellae matutae’, et ‘filii Dei’, 36 nihil arcani inibi videt; credet quod terra sit quae intelligitur, tum ejus fundamentum, mensurae, bases, lapis anguli, ac nesciret 37 prorsus quid sit quod canerent stellae matutae, et clangerent filii Dei; sed e tenebris 38 in lucem veniet qui scit quod ‘terra’ sit Ecclesia, ‘fundamenta’ ejus verum fidei, ‘mensurae’ ejus status boni et veri, ‘bases ejus’ ipsa vera sustentantia, ‘lapis anguli’ potentia veri 39 , stellae matutae cognitiones boni et veri ex bono, ‘filii Dei’ vera Divina 40 ; hi dicuntur clangere cum existunt, illae canere cum exoriuntur.

Poznámky pod čarou:

1. nam bases

2. The Manuscript inserts essent.

3. ex

4. The editors of the third Latin edition made a minor correction here. For details, see the end of the appropriate volume of that edition.

5. quod ita sit, est quia verum est forma boni, et bonum ex forma habet quale

6. et inde

7. The following word or phrase is crossed out in the Manuscript, but it does appear in the first edition.

8. The Manuscript inserts videatur.

9. similiter corpus Arcana Coelestia 6135: quod pedes sint verum naturale cui potentia bono, Arcana Coelestia 5327, 5328

10. The Manuscript inserts et.

11. The editors of the third Latin edition made a minor correction here. For details, see the end of the appropriate volume of that edition.

12. The Manuscript inserts sic.

13. autumare potest

14. The editors of the third Latin edition made a minor correction here. For details, see the end of the appropriate volume of that edition.

15. utcunque videt, quod inde non aliquis sensus Ecclesiae existat

16. patet

17. The following two (or in some cases more) words are transposed in the Manuscript.

18. constat

19. in

20. dicitur

21. inde sciri potest,

22. quoniam illa sunt Ecclesiae

23. similiter alibi apud Eundem prophetam, Catharactae ab alto apertae sunt, et commota sunt fundamenta terrae, 24:18: Apud Davidem, Commota est et contremuitterra, et fundamenta montium trepidarunt et commoverunt se, Psalmi 18:8 [KJV (1611) numbers it as verse 7]: et apud Eundem, Non agnoscunt, nec intelligunt, in tenebris ambulant, vacillant omnia fundamenta terrae, Psalmi 82:5, quod fundamenta terrae non vacillent, sed vera Ecclesiae, illis qui non agnoscunt, non intelligunt, et in tenebris ambulant, patet

24. In the Manuscript, in the First Latin Edition, and in the Second Latin Edition, inserts ut apud Davidem,

Apparuerunt alvei aquarum, et revelata sunt fundamenta urbis, ab increpatione Jehovae, Ps. 18:16 [KJV (1611) 15].

In this Hebrew [ ] (tebhel) = orbis and not urbis. Compare quotations of this verse in Arcana Coelestia 9818, Apocalypsis Revelata 343, 351, and Schmidius.

25. fidei

26. 14 ad 20, in the First Latin Edition and in the Second Latin Edition

27. in his

28. quae post hanc, ita quae nunc instauratur

29. The Manuscript inserts et.

30. vera et bona

31. The Manuscript inserts quod, in the First Latin Edition and in the Second Latin Edition.

32. constare potest

33. The Manuscript inserts quae a solo Domino.

34. sic

35. The editors of the third Latin edition made a minor correction here. For details, see the end of the appropriate volume of that edition.

36. The Manuscript inserts is.

37. nesciat

38. The Manuscript inserts sicut.

39. inde

40. ipsa vera ex bono

  
/ 10837  
  

This is the Third Latin Edition, published by the Swedenborg Society, in London, between 1949 and 1973.