8
Tunc ingressi omnes sapientes regis non potuerunt nec scripturam legere, nec interpretationem indicare regi.
Daniel 5:8
De Divino Amore et de Divina Sapientia # 383
383. Quoniam Intellectus correspondet Pulmoni, et inde Cogitatio pulmonis respirationi, ideo per Animam et Spiritum in Verbo significatur Intellectus; ut quod amaturus sis Dominum Deum tuum ex toto Corde tuo et ex tota Anima tua, Matthaeum 22:35. 1 Quod Deus daturus sit novum Cor et novum Spiritum, Ezechielem 36:26, Psalmus 51:12; 2 quod Cor significet amorem voluntatis, supra ostensum est[;] inde per animam et spiritum significatur sapientia intellectus.
[2] Quod per Spiritum Dei, qui etiam vocatur 3 Spiritus Sanctus, intelligatur Divina Sapientia, et inde Divina Veritas, per quam fit homini illustratio, videatur in DOCTRINA NOVAE HIEROSOLYMAE DE DOMINO 50-51. Inde est, quod Dominus spiraverit in discipulos, et dixerit[,] accipe Spiritum Sanctum, Joh. . Inde etiam dicitur, quod Jehovah Deus inspiraverit in nares Adami animam vitarum, et factus est in animam viventem, Gen. Psalmus 2:7: et quod dixerit Prophetae[,] "Propheta super spiritu, et dic ad ventum, a quatuor 4 ventis veni spiritus, et inspira in occisos hos, ut vivant[,]" Ezech. Psalmus 37:9: similiter alibi: inde est quod Dominus dicatur Spiritus Narium, et quoque Spiraculum vitae.
[3] Quia respiratio transit per nares, ideo per illas significatur perceptio; ac intelligens dicitur esse acutae naris, et non intelligens obesae naris. Ex eo etiam est, quod spiritus et ventus in Lingua Hebraea, et in quibusdam aliis linguis[,] sint una vox: vox enim spiritus trahit suam originem ab animatione, quare cum homo moritur etiam 5 dicitur quod emittat animam. Ex eo etiam est, quod homo credat, quod spiritus sit ventus seu quid aereum, quale est halitus exspirati a pulmone, similiter quod anima.
[4] Ex his constare potest, quod per amare Deum toto corde et tota anima, intelligatur omni amore et omni intellectu; et quod per dare novum cor et novum spiritum, intelligatur novam voluntatem et novum intellectum. Quia spiritus significat intellectum, ideo dicitur de Bezaleele, quod impletus sit spiritu sapientiae, intelligentiae et scientiae, Exod. Psalmus 31:3[,] et de Joschua, quod impletus sit spiritu sapientiae, Deut. Psalmus 34:9, et a Nebuchadnezare 6 de Daniele, quod Spiritus excellens, scientiae, intelligentiae et sapientiae esset in eo, 7 Dan. Daniel 5:11-12, 8 et apud Esajam[,] "Scient 9 errantes Spiritu intelligentiam[,]" Esajam 29:24. Similiter in multis aliis locis.
Poznámky pod čarou:
1. Biblia Anglica: .
2. Biblia Anglica: Esajam 5:10. Prima editio: Esajam 51:12-13;
3. Prima editio: vocarur
4. Prima editio: quatvor
5. Prima editio: eriam
6. a Nebuchadnezare ubi in prima editione Nebruchadnezar
7. Prima editio: eo"
8. Prima editio: Esajam 6:5,
9. Prima editio: Sciant
