Coronis # 2
2. LEMMA PRIMUM
QUOD QUATUOR ECCLESIAE IN HAC TELLURE A DIE CREATIONIS EJUS FUERINT.
(i.) Quod quatuor Ecclesiae in hac tellure a die creationis ejus fuerint: prima, quae vocanda est Adamica; altera, quae Noachica; tertia, quae Israelitica; et quarta, quae Christiana. -- Quod quatuor Ecclesiae ex creatione mundi in hac tellure exstiterint, manifeste constat apud Danielem; primum ex statua Nebuchadnezari in somnio visa, et postea ex quatuor bestiis ex mari assurgentibus. De statua Nebuchadnezaris haec leguntur:
Dixit Daniel, "Tu, Rex, videns fuisti, et ecce statua una magna,.... et species ejus excellens, stans e regione tui, et aspectus ejus formidabilis. Hujus statuae caput erat ex auro bono; pectus ejus et brachia, ex argento; venter ejus et femora ejus, ex aere; crura ejus ex ferro; pedes ejus ad partem ex ferro, et ad partem ex argilla. Videns fuisti dum excisus est Lapis, qui non per manus, et percussit statuam super pedes ejus, qui ferrum et argilla, et contrivit illos 1 Tunc contrita sunt simul ferrum, argilla, aes, argentum et aurum; factaque sunt sicut palea ex areis aestatis, ita ut abstulerit illa ventus, et ullus locus non inventus est illis: Lapis autem qui percussit statuam, factus est in Petram magnam, et implevit totam terram. ....In diebus his surgere faciet Deus caelorum regnum, quod in saecula non perdetur, et regnum ejus populo 2 alii non permittetur; conteret et consumet omnia illa regna, illud autem stabit in saecula" (Daniel 2:31-35, 44) 3 .
Quod hoc somnium non significaverit quatuor regna politica in hac tellure, sed quod quatuor Ecclesias, unam alteri successuram, constat ex sequentibus his:
(1.) Quod talia regna, unum post alterum, in hac tellure non exstiterint.
(2.) Quod Divinum Verbum in suo sinu non agat de regnis mundi, sed de Ecclesiis, quae in terris faciunt regnum Dei.
(3.) Tum quod dicatur quod Deus caelorum surgere facturus sit regnum quod in saecula non perdetur, et quod lapis non per manus excisus factus sit in petram magnam quae implevit totam terram.
(4.) Et quia Dominus Salvator noster Jesus Christus in Verbo, utriusque Testamenti dicitur "Lapis" et "Petra," patet quod Ipsius regnum per ultima ibi intelligatur.
(5.) Praeterea status Ecclesiae innumeris in locis in Verbo describitur per "aurum," "argentum," "aes" et "ferrum;" status ejus spiritualis quoad bonum amoris per "aurum," status ejus spiritualis quoad verum sapientiae per "argentum," status ejus naturalis quoad bonum charitatis [per "aes"], et status ejus naturalis quoad verum fidei per "ferrum" (quod confirmatum ex Verbo videatur in Apocalypsi Revelata 913; et alibi).
[2] Quapropter sapientes in primis aevis qui noverunt significationes metallorum, etiam illi aequipararunt saecula a primo ad ultimum successura quatuor illis metallis, et vocaverunt primum saeculum "aureum," secundum saeculum "argenteum," tertium saeculum "cupreum," et quartum saeculum "ferreum," et sic descripserunt illa secundum bona et vera et quia genuina bona et vera non aliunde sunt quam ex Deo caeli, descripserunt illa secundum status Ecclesiae apud illos; nam ex his et secundum hos omnes status civiles regnorum quoad justitiam et judicium existunt, vigent et vivunt.
[3] Quod Dominus Salvator Jesus Christus in Verbo utriusque Testamenti dicatur "Lapis" et "Petra," constat ex nunc sequentibus; quod dicatur "Lapis," ex his:
"Sic dixit Adonai Jehovih, Ecce Ego fundaturus sum in Zione Lapidem probationis, Angulum pretii fundationis fundatae; qui crediderit non festinabit 4 . Tunc ponam judicium in regulam, ac justitiam in perpendiculum" (Esaias 28:16, 17);
"Visitabit Jehovah [Zebaoth] gregem suum; .... ex Illo Lapis angularis" (Sacharia 10:3, 4);
"Lapis quem reprobaverunt architecti factus est in caput anguli" (Psalmuss 118:22);
"Nonne legistis in Scriptura quod Lapis quem reprobaverunt aedificantes factus sit in caput anguli?" (Matthaeus 21:42; Marcus 12:10, 11; Luca 20:17, 18; Esaias 8:14, 15 5 ;)
Accessistis ad Dominum, "Lapidem vivum, ab hominibus quidem rejectum, a Deo vero electum, [pretiosum;] etiam vos ipsi tanquam lapides viventes aedificamini in domum spiritualem;.... propterea dicitur in Scriptura, Pono in Zione Lapidem angularem electum pretiosum, et qui credit in Illum non pudefiet" (1 Petrus 2:4-6);
"Estis aedificati super fundamento Apostolorum et Prophetarum, cujus est angularis Lapis Jesus Christus, per quem totum aedificium coagmentatum probe crescit in templum sanctum in Domino, per quem vos una aedificamini in habitaculum Dei in spiritu" (Ephesos 2:20-22);
Jesus Christus "est Lapis reprobatus ab aedificantibus, qui factus est in caput anguli, et non est in alio ullo 6 salus" (Act. 4:11, 12).
Quod Dominus dicatur "Petra," constat ex his in Verbo:
"Cum Jeshurun, recalcitravit;.... et deseruit Deum qui fecit eum, et vilipendit Petram salutis suae 2 (Deut. 32:15, 18, 30) 3 ;
"Dixit Deus Israelis, mihi locuta est Petra Israelis" (2 Samuelis 23:3);
"Sint in beneplacitum 4 sermones oris mei,.... Jehovah, 5 Petra mea et Redemptor meus" (Psalmuss 19:15 [Biblia Anglica: Psalmuss 19:14]);
"Et 6 recordati sunt quod Deus Petra eorum, et Deus excelsus Redemptor eorum" (Psalmuss 78:35);
"Bibebant omnes [eundem] spiritualem potum, bibebant enim ex spirituali Petra; Petra erat Christus" (1 Corinthios 10:4; Exodus 17:6).
Ex his nunc manifeste patet quod per "lapidem," qui percussit statuam, et factus in petram magnam implevit totam terram, et cujus regnum stabit in saecula saeculorum, intelligatur Dominus noster Jesus Christus.
Poznámky pod čarou:
1. pinguis factus est
2. [NCBSP Editor's note: We have inserted footnote marks in the text where there are scan artifacts that need to be checked.]
3. This reference has been corrected to match chapter/verse numbering in the English Bible text.
4. This reference has been corrected to match chapter/verse numbering in the English Bible text.
5. This reference has been corrected to match chapter/verse numbering in the English Bible text.
6. This reference has been corrected to match chapter/verse numbering in the English Bible text.
Coronis # 3
3. Eaedem quatuor Ecclesiae in hac tellure descriptae sunt per quatuor "bestias" ex mari assurgentes, apud Danielem, de quibus haec ibi:
Prima visa est "sicut leo, sed alae aquilae illi: videns fui, donec evulsae sunt alae ejus; et sublata est e terra, et super pedes, sicut homo erecta, et cor hominis datum ei. Deinde ecce bestia alia secunda, similis urso, et ad latus unum erexit se; erant tres costae in ore ejus inter dentes; insuper sic dicentes ei, Surge, comede carnem multam. Post haec videns fui, et ecce alia, sicut pardus, cui alae quatuor, quales avibus, super tergo illius; et quatuor capita bestiae; dominiumque datum est illi. Post hoc videns fui in visionibus noctis, et ecce bestia quarta, terribilis et formidabilis et robusta valde, cui dentes ferri magni, comedit et contrivit, reliquumque pedibus suis conculcavit: erat autem diversa ab omnibus bestiis quae ante illam, et decem cornua illi. ....Videns fui usque dum throni projecti sunt, et Antiquus Dierum sedit;.... et judicium consedit, et libri aperti sunt. ....Et ecce, cum nubibus caelorum sicut Filius Hominis veniens fuit;....et Huic datum est dominium, et gloria, et regnum, ut 8 omnes populi, gentes et linguae Ipsum colerent; dominium Ipsius dominium saeculi quod non transibit, et regnum Ipsius quod non peribit" (cap. 7:3-7, 9, [10,] 13, 14, seq.).
Quod per has "bestias" similiter quatuor illae Ecclesiae intellectae et descriptae sint, patet a singulis ibi, quae in sequentibus in suo ordine evolventur; praeprimis ab ultimis ibi, quod post quatuor illas bestias venturus sit Filius Hominis, cui dabitur dominium et regnum quod non transibit et peribit; qui quod etiam intellectus sit per "Lapidem" factum in "Petram magnam quae implebit totam terram," videatur supra (n. 2 fin.). Quod status Ecclesiae similiter per bestias quemadmodum per metalla in Verbo describantur, constat ex innumeris locis, quorum aliqua duntaxat hic adducam, quae sunt:
"Pluviam benevolentiarum stillare facis, 1 ....haereditatem laborantem tuam confirmabis; bestia" coetus tuus "habitabunt in illa" (Psalmuss 68:9, 10 1 ) );
"Mihi omnis fera sylvae, bestiae 2 in montibus millium; novi omnem avem montium, bestiae agrorum meorum Mecum" (Psalmuss 50:10, 11);
"Aschur cedrus in Libano;....alta facta est altitudo ejus;....in ramis ejus nidificarunt omnes aves caelorum, et sub ramis ejus pepererunt omnes bestiae agri, et in umbra ejus habitarunt omnes gentes magnae" (Ezechiel 31:3, 5, 6, 13 3 ; Daniel 4:7-13);
"Feriam illis foedus in die illo cum bestia agri, et cum ave caelorum, ....et desponsabo te Mihi 4 in aeternum" (Hoschea 2:18, 19 5 );
"Gaude et laetare: ....ne timete, bestiae agrorum meorum, quia herbosa facta sunt habitacula deserti" (Joel 2:21, 22 6 );
"Tu, fili hominis, dic avi omnis alae 7 et omni bestiae agri, Congregamini.... ad sacrificium meum.... super montibus Israelis..... Sic dabo gloriam meam inter gentes" (Ezechiel 39:17-21);
"Hostis opprobrio affirit Jehovam. Ne des bestiae animam turturis" (Psalmuss 74:18, 19);
"Dominus Jehovih 8 congregat expulsos Israelis. Omnis bestia agrorum meorum, venite" (Esaias 56:8, 9);
"Spiritus Jesum impellens fecit exire in desertum,....et erat cum bestiis, et angeli ministrabant Ipsi" (Marcus 1:12, 13);
non erat cum bestiis, sed cum diabolis, cum quibus pugnavit et quos subjugavit. (Praeter mille aliis in locis, quae quoad partem allata sunt in Apocalypsi Revelata 567.) Praeterea notum est quod Ipse Dominus in Verbo dicatur "Agnus," et quoque "Leo;" tum quod Spiritus Sanctus repraesentatus sit sicut "Columba;" quod etiam cherubi, per quos Verbum in literali sensu significatur, apparuerint sicut "quatuor bestiae," apud Ezechielem et in Apocalypsi: quodque homo Ecclesiae, qui agnoscit Dominum ut suum Deum et Pastorem, dicatur "ovis;" et, vice versa, qui non agnoscit, dicatur "hircus," et quoque "draco;" et quod hujus coetus, similiter ut apud Danielem, describatur per Bestiam ex mari, similem pardo, cujus pedes quasi ursi, et os quasi leonis (Apocalypsis 13:1, 2).
Haec trahunt originem ex mundo spirituali, ubi omnes affectiones et inde cogitationes angelorum et spirituum ad distantiam ab illis sistuntur ut bestiae; quae quoque apparent in simili forma, prorsus in qua bestiae in mundo naturali; affectiones amoris boni ut bestiae mites et usus boni, at affectiones amoris mali ut bestiae immites et usus mali: inde est quod toties nominentur "bestiae" in Verbo, et per illas in sensu spirituali significentur affectiones, inclinationes, perceptiones et cogitationes. Ex his patet quid intelligitur per "creaturas" in sequentibus his locis:
Jesus praecepit discipulis ut irent in universum mundum et praedicarent Evangelium "omni creaturae" (Marcus 16:15);
"Si quis in Christo est nova creatura, vetera transierunt, et facta sunt omnia nova" (2 Corinthios 5:17);
"Haec dicit 9 Amen, Testis fidelis et verus, Principium Creaturae Dei" (Apocalypsis 3:14).
Per "creaturas" ibi intelliguntur illi qui possunt e novo creari, hoc est, regenerari, et sic fieri ab Ecclesia Domini.
Poznámky pod čarou:
1. Swedenborg used Latin Bibles as the sources for his scriptural references. The numbering of verses in those Bibles did not match the numbering that has become the common standard, so verse numbers have been edited in this work to match the common standard.
2. This reference has been corrected to match chapter/verse numbering in the English Bible text.
3. This reference has been corrected to match chapter/verse numbering in the English Bible text.
4. This reference has been corrected to match chapter/verse numbering in the English Bible text.
5. This reference has been corrected to match chapter/verse numbering in the English Bible text.
6. This reference has been corrected to match chapter/verse numbering in the English Bible text.
7. This reference has been corrected to match chapter/verse numbering in the English Bible text.
8. This reference has been corrected to match chapter/verse numbering in the English Bible text.
9. This reference has been corrected to match chapter/verse numbering in the English Bible text.
