Doctrina Novae Hierosolymae de Domino # 43
43. Quod Dominus dicatur David patet ex his:-
"In die... servient Jehovae Deo suo, et Davidi Regi suo, quem excitabo eis" (Jeremiam 30:(8,) 9).
"Dein revertentur filii Israelis, et quaerent Jehovam Deum suum, et Davidem Regem suum, et cum timore venient ad Jehovam, et ad bonum Ipsius, in extremitate dierum" (Hoscheam 3:5).
"Excitabo super illis Pastorem unum, qui pascet eos, Servum meum Davidem, hic pascet eos, et hic erit illis in Pastorem: et Ego Jehovah ero illis in Deum, et David Princeps in medio eorum" (Ezechielem 34:23-25 [NCBSP: 23-24]).
"Ut sint Mihi in populum, et Ego sim illis in Deum;... Servus meus David Rex super illos, ut Pastor unus sit omnibus illis:... tunc habitabunt super terra,... illi et filii illorum ac filii filiorum illorum, usque in aeternum: et David... Princeps illis in aeternum; et pangam foedus pacis, et foedus aeternitatis erit cum illis" (Ezechielem 37:23-26).
"Pangam vobis foedus aeternitatis, misericordias Davidis firmas: en Testem populis dedi Ipsum, Principem et Legislatorem gentibus" - (Esaiam 55:3-4).
"In die illo erigam tentorium Davidis collapsum, et obsepiam rupturas ejus, destructa ejus restituam, et aedificabo eam juxta dies aeternitatis" (Amos 9:11).
"Domus Davidis sicut Deus, sicut Angelus Jehovae coram illis" (Sachariam 12:8).
"In die illo erit fons apertus domui Davidis" (Sachariam 13:1).
Ezechiel 37:23-26
23
neque polluentur ultra in idolis suis, et abominationibus suis, et cunctis iniquitatibus suis : et salvos eos faciam de universis sedibus in quibus peccaverunt, et emundabo eos : et erunt mihi populus, et ego ero eis Deus.
24
Et servus meus David rex super eos, et pastor unus erit omnium eorum. In judiciis meis ambulabunt, et mandata mea custodient, et facient ea.
25
Et habitabunt super terram quam dedi servo meo Jacob, in qua habitaverunt patres vestri : et habitabunt super eam ipsi, et filii eorum, et filii filiorum eorum, usque in sempiternum : et David servus meus princeps eorum in perpetuum.
26
Et percutiam illis fœdus pacis : pactum sempiternum erit eis. Et fundabo eos, et multiplicabo, et dabo sanctificationem meam in medio eorum in perpetuum.
