¹ אל תשמח ישראל אל גיל כעמים כי זנית מעל אלהיך אהבת אתנן על כל גרנות דגן׃

² גרן ויקב לא ירעם ותירוש יכחש בה׃

³ לא ישבו בארץ יהוה ושב אפרים מצרים ובאשור טמא יאכלו׃

⁴ לא יסכו ליהוה יין ולא יערבו לו זבחיהם כלחם אונים להם כל אכליו יטמאו כי לחמם לנפשם לא יבוא בית יהוה׃

⁵ מה תעשו ליום מועד וליום חג יהוה׃

⁶ כי הנה הלכו משד מצרים תקבצם מף תקברם מחמד לכספם קמוש יירשם חוח באהליהם׃

⁷ באו ימי הפקדה באו ימי השלם ידעו ישראל אויל הנביא משגע איש הרוח על רב עונך ורבה משטמה׃

⁸ צפה אפרים עם אלהי נביא פח יקוש על כל דרכיו משטמה בבית אלהיו׃

⁹ העמיקו שחתו כימי הגבעה יזכור עונם יפקוד חטאתם׃

¹⁰ כענבים במדבר מצאתי ישראל כבכורה בתאנה בראשיתה ראיתי אבותיכם המה באו בעל פעור וינזרו לבשת ויהיו שקוצים כאהבם׃

¹¹ אפרים כעוף יתעופף כבודם מלדה ומבטן ומהריון׃

¹² כי אם יגדלו את בניהם ושכלתים מאדם כי גם אוי להם בשורי מהם׃

¹³ אפרים כאשר ראיתי לצור שתולה בנוה ואפרים להוציא אל הורג בניו׃

¹⁴ תן להם יהוה מה תתן תן להם רחם משכיל ושדים צמקים׃

¹⁵ כל רעתם בגלגל כי שם שנאתים על רע מעלליהם מביתי אגרשם לא אוסף אהבתם כל שריהם סררים׃

¹⁶ הכה אפרים שרשם יבש פרי בלי יעשון גם כי ילדון והמתי מחמדי בטנם׃

¹⁷ ימאסם אלהי כי לא שמעו לו ויהיו נדדים בגוים׃

¹⁰ It shall be, when Yahweh your God shall bring you into the land which he swore to your fathers, to Abraham, to Isaac, and to Jacob, to give you, great and goodly cities, which you didn't build,

¹¹ and houses full of all good things, which you didn't fill, and cisterns dug out, which you didn't dig, vineyards and olive trees, which you didn't plant, and you shall eat and be full;

¹² then beware lest you forget Yahweh, who brought you forth out of the land of Egypt, out of the house of bondage.