⁴⁸ פלגי־מים תרד עיני על־שבר בת־עמי׃ ס

¹ איכה יעיב באפו אדני את־בת־ציון השליך משמים ארץ תפארת ישראל ולא־זכר הדם־רגליו ביום אפו׃ ס

¹ למנצח על־נגינת לדוד׃

² שמעה אלהים רנתי הקשיבה תפלתי׃

³ מקצה הארץ אליך אקרא בעטף לבי בצור־ירום ממני תנחני׃

⁴ כי־היית מחסה לי מגדל־עז מפני אויב׃

⁵ אגורה באהלך עולמים אחסה בסתר כנפיך סלה׃

⁶ כי־אתה אלהים שמעת לנדרי נתת ירשת יראי שמך׃

⁷ ימים על־ימי־מלך תוסיף שנותיו כמו־דר ודר׃

⁸ ישב עולם לפני אלהים חסד ואמת מן ינצרהו׃

⁹ כן אזמרה שמך לעד לשלמי נדרי יום יום׃