7120. ‘Aggravetur servitium super viros’: quod significet quod augenda sit impugnatio, constat ex significatione ‘aggravari’ quod sit augeri; 1 ex significatione ‘servitii’ cum dicitur ab illis qui per falsa infestant, quod sit intentio subjugationis, de qua n. 6666, 6670, 6671, ita impugnatio, nam per impugnationem subjugare intendunt; et ex significatione ‘virorum’ quod sint qui ab Ecclesia spirituali; 2 sunt duae voces in lingua originali 3 quae significant hominem, una est Adam, et altera Enosch; per hominem qui 4 vocatur Adam intelligitur 5 homo Ecclesiae caelestis; at per hominem qui 6 vocatur Enosch intelligitur homo Ecclesiae spiritualis; hic ‘viri’ exprimuntur per Enosch quia agitur de illis qui ab Ecclesia spirituali.
Poznámky pod čarou:
1. The Manuscript inserts et.
2. viri hic
3. exprimuntur per vocem, quae significat hominem virum; homo in illa lingua per binas voces exprimitur, per Adam et per Enosch
4. The following two (or in some cases more) words are transposed in the Manuscript.
5. Antiquissima Ecclesia, quae coelestis;
6. Enosch dicitur, significatur Ecclesia spiritualis; hic viri hac voce nominantur, quia sermo est de illis qui ab Ecclesia spirituali; etiam per hominem qui Adam significatur bonum coeleste, per hominem autem qui Enosch significatur bonum veri spirituale, quod est bonum veri
