Theihthaina 12

Studie

  

1 ABEIPA ta Mawsi hnohta.

2 Izarel pathlazy hnohta, chanô ta saw phaohpa ta, sawchapaw a sa khiahtala noh sari pathaih leipa châ aw ta; chanô yzie tyhpa daihti nota a pathaih leipa hawhna chata, pathaih leipa a châ aw.

3 A noh charie noh ta a chopaw vo tai awpa a châ.

4 Thisaih vâta a pathaipa ta noh sythôh nata noh thôh a y awpa a châ; a pathaina noh â ki hlâ lei cha hmo pathaihpa rai a hria awpa châ leipa ta, su pathaihpa liata chhao a ngia awpa châ vei.

5 Chanô a sa khiahta deikua cha, chanô yzie tyhpa daihti nota a pathaih leipa hawhta, hâta ei no pathaih leipa a châ aw; chatawhcha thisaih vâta a pathaihpa ta noh sycharu nata noh charu a y awpa a châ.

6 Sawchapaw tlyma, sawchanô tlyma vâta a pathaina noh â ki patanahta a raopa hlâna ta mietahkupa taw kô khapa nata moleina hlâna châta pivaw taw tlyma, vachhu tlyma ahmaohpakhyna poh-o chhikao kiapâh liata theihthaipa lâta a cheih awpa a châ.

7 theihthaipa ta ABEIPA hmiakô liata hlâ aw ta, adyhna taopa aw ta, chatanachata a thisaih lona tawhtapa pathaihpa a châ aw, he he chapaw tlyma, chanô tlyma, a satuhpa châta ryhpa a châ.

8 Chatawhcha a hneipa ta mietahkupa taw a tloh leipa khiahtala, vachhuh pô no tlyma, pivaw taw pô no tlyma, a cheih awpa a châ, pô kha cha raopa hlâna châta, pô kha cha moleina hlâna châta; chatawhcha theihthaipa ta aryhna taopa aw ta, a pathaih ha aw, tahpa ta reih teh,” tah ta.