Ryhpachaneina 23

¹ Chyhsa a tihmô a keipa nata a hmôkeipa a taipa cha ABEIPA chyhsa zy apôhpakhypa hry liata amâ hlao awpa châ vei.

² Riasawpa cha ABEIPA chyhsa zy apôhpakhypa hry liata amâ hlao awpa châ vei; chhâ hrawhna taihta a pathlazy cha ABEIPA chyhsa zy apôhpakhypa hry liata amâ hlao awpa châ vei.

³ Amawna mozy nata Môaba mozy cha ABEIPA chyhsa zy apôhpakhypa hry liata amâ hlao awpa châ vei; chhâ hrawhna taihta ama hry liatahpa cha ABEIPA chyhsa zy apôhpakhypa hry liata amâ hlao chachei awpa châ vei;

⁴ Izi râh tawhta nama vaw pua nota viahchhâ nata ti ta ama chady leipa vâta nata chhie châ sapa awpa ta Mesopotamia râh liata Pethô khih liata Beôra sawchapawpa Balama ama hruapa vâna khata.

⁵ Châhrasala ABEIPA nama Khazohpa ta Balama bie cha a pyh khoh leipa ta; ABEIPA nama Khazohpa chata nama kyh a pachâpa vâta ABEIPA nama Khazohpa chata chhiesana cha nama châta byhnâ lâta tlao pachâsa ta.

⁶ Nama hro chhôhta âmo nata aryhna nata ama thlaochhina khati nota hmahta nama pachâ khei awpa châ vei.

⁷ “Edôma mozy cha nama pasi awpa châ leipa ta, nama unawhpa zy châ tlôh ei ta; Izi mozy cha nama pasi awpa châ vei, ama pathlazy cha chhâ thôhna tawhta ABEIPA chyhsa zy apôhpakhypa hry liana chata amâ hlao awpa a châ.

⁹ Nama khakhaipa zy adyuhpa ta namâ riena su liana chata hmo pha leipa to tawhta nama panano awpa a châ.

¹⁰ Nama hry liata chapaw ahyrai zâ ta ano liata hmo a puapa vâta pathaih leipa ama y khiahtala, ariena su tawhtapa pua aw ta, ariena su liata a ngia heih awpa châ leipa ta;

¹¹ anodeikuacha a vaw zâlâ tita a ngia hei awpa a châ.

¹² Ariena su khôtho lâta lyupâh puana su rao aw eichi ta; cha lâna chata nama sie tyh awpa a châ;

¹³ nama chhaichhi hry liana chata alei lina hnei aw eichi ta, cha chata namâ kei tyuna awpa cha chao aw eichi ta, nama lyupâh puana cha nama khu heih awpa a châ.

¹⁴ ABEIPA nama Khazohpa cha namâ riena su liata nâmo cha pachha awpa nata nama khakhaipa zy cha pie awpa ta a vaw hlao lymâ tyh tlôh ta, chavâta namâ riena su cha a pathaih awpa a châ, chata leipa ta cha nama hry liata hmo pathaih leipa hmô aw ta, a cha siesai pathlei aw ei na.

¹⁵ Chakaotuhpa nama hnohta ama zibeipa a vaw râsaipa cha nama pakua heih awpa châ vei;

¹⁶ nama yna liata ama kho chaipa amâ tlypa maih liata nama hry liata ama y hra awpa a châ; nama pasaipa-i awpa châ vei.

¹⁷ Izarel sawchanôzy hry liata sihryhpa ama y awpa châ leipa ta, Izarel sawchapawzy hry liata sihryhpa ama y awpa châ hra vei.

¹⁸ Sihryhna ty chanô rai, chapaw rai ta bietai nawpa ta ABEIPA nama Khazohpa o lâta nama cheih awpa châ vei; a kheihawhpa rai chhao ABEIPA nama Khazohpa pachâ ta hmo pasichhihpa a châ.

¹⁹ A pôhna hneipa ta nama unawhpa zy dyu nama pacheisa awpa châ vei, tâkâ lâta a pôhna tlyma niepa lâta a pôhna tlyma, khâparai a pôhpa ta dyu pacheisapa châ vei.

²⁰ Râh hropa chyhsa zy cha a pôhna hneipa ta dyu nama pacheisa thei aw, châhrasala nama unawhpa zy cha a pôhpa ta dyu nama pacheisa awpa châ vei; chatanachata nama hnei awpa râh liata nama pacheisa awpa châ vei; chatanachata nama hnei awpa râh liata nama hriapa zydua liata ABEIPA nama Khazohpa ta byhnâ a cha pie aw ei.

²¹ ABEIPA nama Khazohpa lâta bie namâ taih nahta bohpi leipa ta pie awpa a châ; ABEIPA nama Khazohpa chata châ hnaw tlôh aw ei ta, nama châta moleipa a châ aw.

²² Bie namâ taih vei khiahtala nama châta moleipa châ aw vei.

²³ Nama pakah liata a pua hawpa cha nama tao thlyu awpa a châ, lôhthai ta hmohlâpa nama pakah ta namâ taihpa ABEIPA nama Khazohpa lâta namâ taihpa lymâ hawhta.

²⁴ Nama vaih kresadô liata nama sie nota, nama khozie ta nie thei eichi ta, anodeikuacha nama hrâbyh liata nama khô awpa châ vei.

²⁵ Nama vaih sâh a duahpa su liata nama sie nota a suh cha pahrie thei eichi ta, anodeikuacha nama vaih sâh a duahpa liana chata sâhkarâh nama hmâh awpa châ vei.