2 Thatihzy Rona 11

¹ Rehôbaw chata Zerusale a tlô nahta Izarel sahlaozy adyuhpa ta râh lâ heih awpa ta Zudah nata Benzami chhôhkha zy, chyhsa riahphapa sai atlypa thy sy kha nata thy charie tlai pakhy ta."

² Châhrasala Khazohpa chyhsa Shemaiah hnohta ABEIPA bie vaw tlô ta.

³ “Zudah râh Abei Sawlawmaw sawchapawpa Rehôbaw hnohta nata Zudah râh nata Benzami râh liata Izarel chyhsa zydua hnohta,

⁴ ‘ABEIPA ta he tana heta a tah, nama sie awpa châ leipa ta, nama unawhpa zy cha adyuh hra khah u, nama o lâta a di khai teh u, he he keima taopa a châ na,’ tahpa ta reih teh,” tahpa ta. Chatanachata ABEIPA bie cha a ngiah ei ta, Zerôbaw adyuh awpa ta ama sie awpa cha kua haw heih ei ta.

⁵ Rehôbaw cha Zerusale liata pahrâ ta, Zudah râh liata a vai nawpa ta khihzy tao ta.

⁶ Bethlehe zy, Etama zy, Tekô zy, Bezu zy, Sôkô zy, Adula zy,

⁸ Katha zy, Maresa zy, Zipha zy,

⁹ Adôrai zy, Lakhi zy, Azekah zy,

¹⁰ Zôrah zy, Aizalô zy, Hebraw zy, chazy cha Zudah nata Benzami râh liata kuh a hneipa khihzy cha sa ta.

¹¹ Cha kuhzy cha pa-i ta, hyutuhpa zy soh ta, niepa zy, sathaw zy, kresawti zy pahmaohpakhy ta.

¹² Khi to liata vyhphao zy, asei zy soh ta, khih â i ngaitapa tao chyu ta. Zudah nata Benzami râh cha ano eih châ ta.

¹³ Izarel râh zydua liata theihthaipa zy nata Livai sahlaozy cha ama râh chyu tawhta ano lâ vawh ei ta.

¹⁴ Livai sahlaozy chata ama râh nata ama yna zy puasai ei ta, Zudah râh nata Zerusale lâ sie ei ta. Zerôbaw nata a sawchapawpa zy ta theihthaipa raihria lei awpa ta pabâhsa ei ta.

¹⁵ A su sâhpa châta nata mie tôhpa nata viahchao taw nohthlahpa a taopa chata theihthaipa zy tlao a rao hawpa vâta.

¹⁶ Chatawhcha Izarel pho, ABEIPA Izarel zy Khazohpa lâta palôhrupa a heihpa zydua chata sie ei ta. ABEIPA ama mahpaw zy Khazohpa lâta atheih awpa ta Zerusale lâ vawh ei ta.

¹⁷ Zudah râh cha pa-i ei ta, kô thôh chhôh cha Sawlawmaw sawchapawpa Rehôbaw cha pa-i ei ta, kô thôh chhôh cha Davi nata Sawlawmaw kyh cha a chhih ei ta.

¹⁸ Rehôbaw chata Davi sawchapawpa Zerimô sawchanônô Mahala lahpinô ta hnei ta, cha cha Zese sawchapawpa Eliaba sawchanônô Abihai sawchanônô a châ;

¹⁹ sawchapawpazy sapa ta; Zeusa zy, Semariah zy, Zeha zy,

²⁰ ano hnôh lâna chata Absalaw sawchanônô Maaka hnei ta, ano chata Abizah zy, Atai zy, Ziza zy, Shelômi zy sapa ta.

²¹ Rehôbaw chata Absalaw sawchanônô Maaka cha a lahpinô zy nata a nôtho zydua hlâna chata a kyhpachâ pachaih ta, (lahpinô pahrawleicharie nata nôtho sycharu hnei ta, sawchapawpa syno nata pacharie nata sawchanô sycharu hnei ta);

²² Rehôbaw chata Maaka sawchapawpa Abizah cha a unawhpa zy hry liata chônôchaipa ta soh ta, abei ta tao awpa a palôhrupa ta pachâ ta.

²³ So ngaitapa ta aryhna rao ta, a sawchapawpa zydua cha Zudah râh nata Benzami râh zydua liata kuh a hneipa khihzy liata paysa khai ta; niepa hluhpi pie ta, lahpinô hluhpi tluapa chyu ta.