Arcana Coelestia#9724
9724. ‘Et palas, et crateres, et fuscinulas ejus, et forcipes ejus’: quod significet scientifica continentia et omni usui inservientia, constat ex significatione 'vasorum in genere, quod sint res memoriae externae seu scientifica, 1 de qua n. 3068, 3069; et in rebus sanctis, quod sint cognitiones boni et veri, quae media cultus Domini, n. 9544, ita quoque vasa ministerii circa altare; sed unumquodvis vas ibi significat 2 scientifica singularis usus; ita omnia vasa ibi scientifica omni usui inservientia.
脚注:
1. The Manuscript inserts quae media cultus, .
2. significabit, in the First Latin Edition and in the Second Latin Edition