11
Dabo tibi regem in furore meo, et auferam in indignatione mea.
Summaria Expositio Doctrinae Novae Ecclesiae, Quae per Novam Hierosolymam in Apocalypsi Intelligitur#36
36. Quod Trinitas Deorum sit contra Scripturam Sacram, notum est, legitur enim, Nonne Ego Jehovah, et non amplius Deus praeter Me, Deus Justus et Salvator non praeter Me, Esaias 45:21-22. Ego Jehovah Deus tuus, et Deum praeter me non agnosces, et Salvator non praeter Me, Hoschea 13:4 Sic dixit Jehovah Rex Israelis, et Redemptor ejus Jehovah Zebaoth, Ego Primus et Ultimus, et praeter me non Deus, Esaias 44:6. Jehovah Zebaoth Nomen Ipsius, et Redemptor tuus Sanctus Israelis, Deus totius terrae vocabitur, Esaias 54:5. In die illo erit Jehovah in Regem super totam terram; in die illo erit Jehovah unus, et Nomen Ipsius unum, Sacharia 14:9. Praeter alibi pluries.
