Arcana Coelestia#6101
6101. Vers. 11, 12. Et habitare fecit Joseph patrem 1 suum et fratres suos, et dedit illis possessionem in terra Aegypti in optimo terrae, in terra Rameses, quemadmodum praecepit Pharaoh. Et sustentavit Joseph patrem suum, et fratres suos, et totam domum patris 2 sui pane, ad os infantis. ‘Et habitare fecit Joseph patrem suum et fratres suos’ significat vitam boni spiritualis et verorum Ecclesiae a caelesti interno: ‘et dedit illis possessionem in terra Aegypti in optimo terrae’ significat in intimo mentis naturalis ubi scientifica: ‘in terra Rameses’ significat intimum mentis et quale ejus: ‘quemadmodum praecepit Pharaoh’ significat consentiente naturali ubi scientifica: ‘et sustentavit Joseph patrem suum, et fratres suos, et totam domum patris sui pane’ significat quod a caelesti interno continuus influxus boni in bonum spirituale et vera Ecclesiae in naturali, unde vita illorum: ‘ad os infantis’ significat unumquodvis secundum quale boni innocentiae.
脚注:
1. The editors of the third Latin edition made a minor correction here. For details, see the end of the appropriate volume of that edition.
2. The editors of the third Latin edition made a minor correction here. For details, see the end of the appropriate volume of that edition.
