4508. ‘Et omnes opes illorum’: quod significet omnia scientifica quae sibi acquisiverunt, constat ex significatione ‘opum’ quod sint scientifica, ut constare potest a multis locis in Verbo; opes enim spirituales, ita in spirituali sensu intellectae, non aliud sunt; illae, ¹ quatenus sciuntur, scientifica sunt; haec in ² regno Domini, proinde in Ecclesia, pro opibus sunt, quod ex Verbo alibi, ex Divina Domini Misericordia, confirmabitur.

脚注: