Arcana Coelestia#7119
7119. ‘Propterea illi clamant, dicendo, Eamus, sacrificemus Deo nostro’: quod significet quod inde illis tanta cogitatio de tali cultu, constat ex significatione ‘clamare’ quod hic sit cogitatio, per ‘dicere’ enim et ‘loqui’ significatur cogitatio, n. 2271, 2287, 7094, ideo etiam per ‘clamare’, sed per ‘clamare’ cogitatio fortis et cum plena intentione faciendi, inde dicitur tanta cogitatio; 1 ex significatione ‘sacrificare Deo suo’ quod sit cultus Domini, de qua n. 6905, 7101; sed quia Pharao dixit quod non nosset Jehovam, n. 7095, 7097, et quia Aegyptii aversati sunt sacrificia, n. 1343, tum quia Moscheh 2 dixit quod 3 abirent viam trium dierum in desertum, n. 6904, 7100, ideo 4 dicitur talis cultus.
脚注: