Arcana Coelestia#9991
9991. ‘Et arietes duos integros’: quod significet purificationem spiritualis seu interni hominis 1 , constat ex significatione ‘arietis’ quod sit internum hominis, ita spirituale ejus, de qua n. 2830; internum enim apud hominem dicitur spirituale, et externum naturale. 2 Quod significetur purificatio, est quia holocausta ex 3 arietibus facta sunt, et per holocausta et 4 sacrificia in genere repraesentatae sunt purificationes a malis et falsis seu expiationes, et per holocausta et sacrificia ex arietibus purificationes seu expiationes interni seu spiritualis hominis, de quibus in sequentibus hujus capitis, ubi de illis agitur.
脚注:
1. The Manuscript inserts quo spectat utrinque.
2. The Manuscript inserts quo spectat utrinque dicitur, quia internum hominis seu spirituale ejus tripartitum est, unum applicat se ad exteriora, et alterumad interiora, ac inter illa medium est, quod conjungit, Arcana Coelestia 9825, inde est quod arietes duo essent.
3. The Manuscript inserts illis.
4. The Manuscript inserts per.
Arcana Coelestia#1430
1430. ‘Cum exivit ex Haran’: quod significet statum Domini obscurum qualis est pueritiae hominis, constare potest ex significatione ‘Haran in cap. praec. , quo primum venit Terahus cum Abramo, et ubi mortuus Terahus pater Abrami, cap. praec. 11:31, 32, tum ex sequentibus quod Jacobus iverit ad Haranem ubi Laban, Gen. 27:43; 28:10; 29:4. Haran fuit regio ubi cultus externus, et quidem respective ad Terahum, Abramum, et Labanem, idololatricus, sed in sensu interno non significatur quod in externo, solum quoddam obscurum; idea idololatriae non remanet sed abstergitur, dum ex sensu externo fit internus; sicut idea sancti amoris ex ‘monte’, n. 795, um ex sensu externo fit internus, perit primum idea ‘montis’, et manet idea altitudinis, et per ‘altitudinem’ repraesentatur sanctitas; ita in ceteris.
