Arcana Coelestia#8652
8652. ‘Quia Deus patris mei in auxilio meo’: quod significet misericordiam et praesentiam Domini in Ecclesia, constat ex significatione ‘patris’ quod sit Ecclesia quoad bonum, n. 1 5581, et quod sit Ecclesia antiqua, n. 6050, 6075, 6846, et quod ‘Deus patris’ sit 2 Divinum Ecclesiae antiquae, quod fuit Dominus, n. 6846, 6876, 6884; et ex significatione ‘auxilii’ cum praedicatur de Domino, quod sit misericordia, nam auxilium ab Ipso est misericordiae, et quoque est praesentiae, nam ubi receptio misericordiae ibi est praesentia, quae praecipue est in Ecclesia, quia ibi est Verbum, et per Verbum praesentia 3 Domini.
脚注:
1. The editors of the third Latin edition made a minor correction here. For details, see the end of the appropriate volume of that edition.
2. Dominus, quod fuerit Divinum Ecclesiae antiquae
3. The Manuscript inserts coeli, et per coelum praesentia.
