2394. Vers. 13. Quia perdentes nos locum hunc, quia magnus factus est clamor eorum coram Jehovah, et misit nos Jehovah ad perdendum eum. ‘Quia perdentes nos locum hunc’ significat quod status mali in quo erant, damnaret eos: ‘quia magnus factus est clamor eorum coram Jehovah’ significat quia falsum ex malo tantum est: ‘et misit nos Jehovah ad perdendum eum’ significat quod non possint quin perirent.