1
Hy chyhsa to saih u, nama ku zy chabaih ula! Tiahna ao ta Khazohpa lâta awh teh u!
2
ABEIPA chônôchaipa cha a rarôh ypa châ tlôh ta, alei chô zydua liata bei rôhnah ngaitapa cha.
3
Ano chata chyhsa to cha eima ry liata panawhsa aw ta, phopi zy cha eima phei ry liata a panawhsa hra aw.
4
Ano chata eima ryuto awpa cha maniah a tlypa aw, kyhpachâpa Zakaw kho chaipa râh cha. Selah.
5
Khazohpa cha rahaona chhaota kiah ta, ABEIPA cha chiahmie pyu nahta a kiah haw na.
6
Khazohpa reithaipa ta sa ula, reithaipa ta sa teh u! Eima Beichaipa reithaipa ta sa ula, reithaipa ta sa teh u!
7
Khazohpa cha khizaw zydua beipa châ tlôh ta; pahno thaipa ta reithaipa ta sa teh u!
8
Khazohpa cha phopizy chô liata bei ta a tyuh ta; Khazohpa cha abeidyuchhai pathaihpa liana chata a tyuh ta.
9
Abaraha Khazohpa chyhsa zy châ awpa ta chyhsa to hry liata abeisawzy cha y pakhy ei ta. Leilô vyhphao zy cha Khazohpa eih châ tlôh ei ta; ano cha thata pachônôsapa ta a y!