82. I. QUOD JEHOVAH DEUS DESCENDERIT ET ASSUMSERIT HUMANUM, UT REDIMERET ET SALVARET HOMINES. In Ecclesiis Christianis hodie creditur, quod Deus Creator Universi genuerit Filium ab aeterno, et quod Hic descenderit et assumserit Humanum ad redimendum et salvandum homines; sed hoc erroneum est, et cadit ex se, dummodo cogitatur, quod Deus unus sit, et quod plus quam fabulosum sit coram ratione quod Deus unus ab aeterno aliquem Filium genuerit, et quoque quod Deus Pater una cum Filio et cum Spiritu Sancto, quorum quisque singulatim Deus est, sit unus Deus; hoc fabulosum prorsus dissipatur, sicut Stella caduca in aerem, dum e Verbo demonstratur, quod Ipse Jehovah Deus descenderit, et Homo factus sit, et quoque Redemptor.

[2] Quod primum attinet, quod Ipse Jehovah Deus descenderit, et Homo factus sit, constat ex his locis, "Ecce Virgo concipiet, et pariet Filium, qui vocabitur DEUS NOBISCUM, Esaias 7:14; Matthaeus 1:22-23. Puer natus est nobis, Filius datus est nobis, super cujus humero Principatus, et vocabitur Nomen Ipsius, Mirabilis, DEUS, Heros, PATER AETERNITATIS, Princeps pacis, Esaias 9:5-6. ¹ Dicetur in die illo, ecce DEUS NOSTER ² Hic, quem exspectavimus ut liberet nos; Hic JEHOVAH, ³ quem exspectavimus; exultemus et laetemur in salute ⁴ Ipsius, Esaias 25:9. Vox clamantis in deserto, parate viam JEHOVAE, complanate in solitudine semitam DEO NOSTRO, et videbunt omnis caro simul, Esaias 40:3, 5. Ecce DOMINUS JEHOVIH in forti venit, et brachium IPSIUS dominabitur IPSI; ecce merces IPSIUS cum IPSO, sicut PASTOR gregem suum pascet, Esaias 40:10-11. Dixit JEHOVAH, jubila et laetare filia Sionis, ecce Ego venio, ut habitem in medio tui: tunc adhaerebunt Gentes multae JEHOVAE in die illo, Sacharia 2:14, 15. ⁵ EGO JEHOVAH, vocavi Te in justitia, et dabo Te in foedus populi, EGO JEHOVAH, hoc Nomen meum, gloriam meam non alteri dabo, ⁶ Esaias 42:6, 8. ⁷ Ecce dies venientes, cum suscitabo Davidi germen justum, qui regnet Rex, ⁸ faciatque judicium et justitiam in terra, et hoc Nomen Ipsius, JEHOVAH JUSTITIA NOSTRA," Jeremias 23:5-6; 33:15-16. Praeter in locis, ubi adventus Domini vocatur DIES JEHOVAE, ut Esaias 13:6, 9, 13, 22; Ezechiel 31:15, Joel 1:15; 2:1-2, 11; 3:2, 4, ⁹ Joel 4:1, 14, 18, ¹⁰ Amos 5:13, 18, 20. Zephanias 1:7-18, Sacharia 14:1, 4-21, praeter alibi.

[3] Quod Ipse Jehovah descenderit et assumserit Humanum, constat aperte apud Lucam, ubi haec, "Maria dixit ad Angelum, quomodo fiet hoc, quoniam virum non cognosco, cui respondit Angelus, SPIRITUS SANCTUS SUPERVENIET TE, ET VIRTUS ALTISSIMI OBUMBRABIT TE, unde quod nascitur ex te SANCTUM, vocabitur Filius Dei," 1:34-35. Et apud Matthaeum, "Dixit Angelus ad Josephum sponsum Mariae in somnio, quod in illa natum est, ex SPIRITU SANCTO ¹¹ est; et Josephus non cognovit illam usque dum peperit Filium, et vocavit nomen Ipsius Jesum," 1:20, 25: quod per Spiritum Sanctum intelligatur Divinum quod a Jehovah Deo procedit, in Capite Tertio hujus Operis videbitur: quis non scit quod ex Patre sit Anima et Vita proli, et quod ex Anima sit Corpus, quid itaque apertius dicitur quam quod Domino ex Jehovah Deo fuerit Anima et Vita, et quia Divinum non potest dividi, quod ipsum Divinum Patris fuerit Ejus Anima et Vita; quare Dominus toties Jehovam Deum vocavit Patrem suum, et Jehovah Deus Ipsum vocavit Filium suum: Quid ergo ludicrius potest audiri, quam quod Anima Domini nostri fuerit ex Maria matre, sicut hodie somniant ¹² et Romano Catholici et Reformati, nec adhuc vigiles facti sunt ex Verbo.

അടിക്കുറിപ്പുകൾ:

Bears represent the power of the literal external stories and ideas of Bible, separate from their deeper meanings. Since they are wild carnivores, this is usually used in a negative way, showing how people can read the Bible, misunderstand it and twist the ideas they find there to justify their evil desires. But it can also be used in a positive way, showing how people can read the Bible with open minds and draw power from it, even without understanding its true depth.

In 2 Kings 2:24, this signifies the literal sense of the Word separate from its internal sense.

In Daniel 7:5, this signifies the second state of the church when the Word is read, but not truly understood. (Apocalypse Revealed 574[2])

(റഫറൻസുകൾ: Apocalypse Explained 781; Apocalypse Revealed 47; The Apocalypse Explained 781 [10], [12])