Arcana Coelestia #8085
8085. ‘Et erat quod induraverit Pharao ad dimittendum nos’: quod significet cum obstinarent se qui per falsa infestabant, ne liberarentur, constat ex significatione ‘indurare se’ quod sit se obstinare, de qua n. 7272, 7300, 7305; ex repraesentatione ‘Pharaonis’ quod sint qui infestarunt per falsa, de qua n. 7107, 7110, 7126, 7142, 7220, 7228, 7317; et ex significatione ‘dimittere’ quod sit liberare.
Arcana Coelestia #7305
7305. ‘Ingravatum est cor Pharaonis, renuit mittere populum’: quod significet quod obstinaverint se non relinquere illos quos infestant, constat ex significatione ‘ingravatum’, tum obfirmatum ac 1 induratum cor 2 esse, quod sit obstinatio, ut supra n. 7272, 7300; et ex significatione ‘renuere mittere’ quod sit non relinquere; et ex repraesentatione ‘Pharaonis’ de quo illa dicuntur, quod sint qui infestant, de qua prius.
각주: