IZIMFIHLO ZASEZULWINI EZIQUKETHWE EZIBHALWENI EZINGCWELE NOMA EZWINI LENKOSI ZISONJULULIWE KUQALWA ENCWADINI KAGENESIS KANYE NEZINTO EZIMANGALISAYO EZIBONWE EMHLABENI WEMIMOYA NASEZULWINI LEZINGELOSI

KULOTSHWE WU EMANUEL SWEDENBORG

KWAHUNYUSHWA KUSUSWA ESINGISINI KUYISWA ESIZULWINI UMQINGO WOKUQALA

IHUNYUSHWE NGU wuZAMOKUHLE T. ZUNGU

---

Arcana Coelestia: The Heavenly Arcana contained in the Holy Scripture or Word of the Lord unfolded in the Book of Genesis together with wonderful things seen in the World of Spirits and in the Heaven of Angels

By Emanuel Swedenborg

Translated into Zulu by Zamokuhle T. Zungu

---

UHLU LOMLOBI LWEZIHLOKO EZIQUKETHWE EMQINGWENI WOKUQALA.

IziMfihlo zeZulu ezisonjululwe eziBhalweni eziNgcwele noma eZwini leNkosi zikwiNcazelo, eyiNgqondo engaPhakathi yeZwi. Ukuthi lengqondo inhloboni kungabonwa kulezozinto ezikhonjiswe malungana nayo ngokusukela eLwazini lokuzazela mathupha ezinombolweni 1767-1777, 1869-1879; nasemongweni noma engqikithini yenkulumo (ezinombolweni 1-5, 64-66, 167, 605, 920, 937, 1143, 1224, 1404, 1405, 1408, 1409, 1502 ekugcineni, 1540, 1659, 1756, 1783, 1807).

IZinto eziMangalisayo ezibonwe eMhlabeni weMimoya naseZulwini leziNgelosi, kuqalwe ngazo futhi zajotshelelwa ezahlukweni ezimbalwa. Kulomqingo kukhona lezizihloko ezilandelayo:

Mayelana nokuVuswa komuntu kwabafileyo, nokungena kwakhe ekuphileni okuphakade (n. 168-181).

Isiqhubezo mayelana nokungena komuntu ekuphileni okuphakade (n. 182-189; naku 314-319).

Ukuthi ngaleyonkathi impilo yoMphefumulo noma yoMumoya injani (320-323).

Ezinye izibonelo zemicabanga yeMimoya yokuthi yayicabangani ngoMphefumulo noma ngoMumoya ngenkathi isesemzimbeni wemvelo (n. 443-448).

Mayelana neZulu kanye neNjabulo yaseZulwini (n. 449-459; 537-546; 547-553).

Mayelana namaBandla abumba noma enza iZulu (n. 684-691).

Mayelana nesiHogo (n. 692-700).

Mayelana neziHogo zalabo abebebuswa yiNzondo, ukuPhindisa, noluNyae ezimpilweni zabo zemvelo (n. 814-823).

Mayelana neziHogo zalabo abebebuswa wukuPhinga neSigweba; mayelana futhi neziHogo zabaKhohlisi nezabaThakathikazi (n. 824-831).

Mayelana neziHogo zabaHahayo; namayelana neJerusalema eliNgcolile, nabaPhangi eHlane; namayelana nothuvi obugcwele eziHogweni zalabo abebecwile ezinjabulweni zomzimba noma zezinzwa besaphila emhlabeni wemvelo (n. 938-946).

Mayelana nezinye iziHogo ezehlukile kulezi esezibalwe ngenhla (n. 947-970).

Mayelana neziNcithakalo (n. 1106-1113).

UHlu lomlobi lwezihloko eziqukethwe emqingweni wesikhombisa.

IziMfihlakalo zezulu ezisonjululwe ezibhalweni eziNgcwele noma ezwini leNkosi ziqukethwe ezincazelweni, eyingqondo engaphakathi yezwi. Izanduleliso ezendulela izahluko ezimbalwa ziyincazelo yalokhu okulandelayo: Ziyincazelo eyingqondo engaphakathi yamazwi eNkosi akuMathewu 25:34-36 (ezinombolweni 4954-4959).

Ziyisiqhubezo mayelana nokuqhamisana komuntu noMuntu oMkhulu: ukuqhamisana kwamanyonga nezitho ezixhumene nawo (ezinombolweni 5050-5062).

Ziyincazelo eyingqondo engaphakathi yamazwi eNkosi akuMathewu 25:37-46 (ezinombolweni 5063-5071).

Ziyisiqhubezo mayelana nokuqhamisana komuntu nomuntu omkhulu: ukuqhamisana kwezitho zomuntu zangaphakathi nezitho zomuntu omkhulu zangaphakathi (ezinombolweni 5171-5190).

Ziyisiqhubezo mayelana nokuqhamisana komuntu nomuntu omkhulu (ezinombolweni 5377-5396).

Ziyisiqhubezo mayelana nokuqhamisana komuntu nomuntu omkhulu: ukuqhamisana kwesikhumba, izinwele, namathambo (ezinombolweni 5552-5573).

Ziyisiqhubezo mayelana nokuqhamisana: ukuqhamisana kwezifo nomhlaba kamoya (ezinombolweni 5711-5727).

UHLU LOMLOBI LWEZIHLOKO EZIQUKETHWE KULOMQINGO.

Kuqukethwe izimfihlakalo zezulu ezethulwe ngencazelo yengqondo enga pha-kathi yeZibhalo ezingcwele noma yeZwi.

Okujotshelelwe ekugcineni kwezinye iZahluko kumayelana nezingelosi ka nye nemimoya okuhanqa umuntu (bheka izinombolo 5846-5866).

Isiqhubezo mayelana nezingelosi kanye nemimoya okuhanqe umuntu (bheka izinombolo 5976-5993).

Kujotshelelwe okumayelana nomngenela nobudlelwane bomphefumulo emzimbeni wemvelo (bheka izinombolo 6053-6058).

Isiqhubezo mayelana nomngenela nobudlelwane bomphefumulo emzimbeni wemvelo (6189-6215).

Isiqhubezo mayelana nomngenela nobudlelwane bomphefumulo emzimbeni wemvelo (6307-6327).

Isiqhubezo mayelana nomngenela nobudlelwane bomphefumulo emzimbeni wemvelo (bheka izinombolo 6466-6496).

Isiqhubezo mayelana nomngenela nobudlelwane bomphefumulo emzimbeni wemvelo (bheka izinombolo 6598-6626).

Okunye okulotshiwe (bheka amakhasi 503, 504).

1225. Ukuthi ngo “Shemi” kufanekiswa iSonto langaphakathi sekuphawuliwe kwabuye kwakhonjiswa esahlukwaneni 18 kuya phambili eSahlukweni esingaphambi kwalesi.

1876. Amabizo abantu, emibuso, noma emizi agagulwe eZwini, njengamazwi enkulumo yomuntu, ayashabalala lapho enyukela ngenhla; ngokuba lawomabizo angawasemhlabeni, angawomzimba wenyama, futhi angawemvelo, okuyi –zinto eziya ngokuya zilahlwa yiyoyonke imiphefumulo lapho ingena empilweni yangemuva kokufa, nokuyizinto ezilahlwa ngokugcwele yilabo abangena ezulwini. Izingelosi kazinawo nomncane umqondo wokuthi umuntu ungubani, kanjalo kazilazi igama lomuntu. Ukuthi U-Abrama uyini, ukuthi uIsaka uyini, nokuthi uJakobe uyini, kazisakwazi. Esikhundleni sokwazi laba ukuthi bayini izingilosi zizikhandela umqondo ngokusukela kokuqhanyiswa nokufanekiswa ngalabobantu eZwini. Amabizo nemisho ezingelosini kufana nothuli nomebuzo okukhumukayo lapho zingena ezulwini. Ngokusukela kulokhu kuba sobala ukuthi amabizo eZwini kawafanekisi lutho olunye ngaphandle kwezinto zempela. Ngikhulume kaningi nezingelosi ngalesisihloko, okuyizingelosi ezingifundise ngokugcwele mayelana neqiniso laloludaba. Inkulumo yemimoya kayiyona eyamagama noma yamazwi omlomo kepha ingeyemiqondo, enjengeyenkulumo yomcabango womuntu engenamagama omlomo, nangalokho ewuliminqangi okuphuma kuyo zonke izilimi. Kodwa lapho imimoya ikhuluma nomuntu inkulumo yazo iguquka ibe solimini lalowomuntu, njengoba kuphawuliwe ezinombolweni 1635, 1637, 1639.

[2] Lapho ngikhuluma ngalesisihloko nemimoya ngigunywe ukuba ngisho kuyo ukuthi lapho ixoxa kayikwazi ukuphimisa ngisho nelilodwa izwi noma igama ngolimi lwabantu basemhlabeni, ikakhulu ngisho nelilodwa ibizo lomuntu. Eminye imimoya, imangaliswa yilokho, yahoxa kancane, yazama ukuphimisa amazwi ngolimi loluntu, kodwa ekubuyeni kwayo yathi ayikwazanga ukuwaphimisa nokuwaphimisa ngoba lawomazwi angawemvelo kangangoba angawesiyingi esingaphansi kwesayo; ngokuba lamazwi akhiqizwa ngokuphuma komoya okuzwakala ngendlebe maqede uphinyiswe yizitho zomzimba, noma ngesu lomngenela ongena kulezozitho ngomgudu ongaphakathi oholela endlebeni. Nangalokhu futhi kwaba sobala kakhulu ukuthi kayikho ingxenye yezwi eliseZwini engadlulela ekuqondweni yimimoya, kungasaphathwa ukuqondwa yimimoya eyizingelosi ezinenkulumo eyinkulumonqangi engaphezulu (1642). Ingxenye yezwi eliseZwini ingedlulele ikakhulukazi ezingelosini (1643), okungasali lutho kuzo lwemiqondo yokuqala yemimoya, nasesikhundleni salemiqondo yokuqala izingelosi zinamaqiniso asezulwini likamoya nokulunga kwasezulwini lamazulu. Lamaqiniso nokulunga kwahlukahlukene ngendlela encomekayo nengenakuchazeka ezakhekweni zakho ezincane kakhulu—okuyizakheko ezixhumene nezihlangene ngokulandelana okuvumelanayo—kanye nemithombo yokuqala yemiqhamiso enobumnandi nobuhle obuphuma enjabulweni yothando olwenananayo, nenenjabulo ephuma ebumnandini nasebuhleni, ngoba leyomithombo ifunzelelwe ngempilo yeNkosi.