ბიბლია

 

Hoschea 14

Სწავლა

   

1 Pereat Samaria, quoniam ad amaritudinem concitavit Deum suum ! in gladio pereant, parvuli eorum elidantur, et fœtæ ejus discindantur !

2 Convertere, Israël, ad Dominum Deum tuum, quoniam corruisti in iniquitate tua.

3 Tollite vobiscum verba, et convertimini ad Dominum ; et dicite ei : Omnem aufer iniquitatem, accipe bonum, et reddemus vitulos labiorum nostrorum.

4 Assur non salvabit nos : super equum non ascendemus, nec dicemus ultra, Dii nostri opera manuum nostrarum : quia ejus, qui in te est, misereberis pupilli.

5 Sanabo contritiones eorum ; diligam eos spontanee : quia aversus est furor meus ab eis.

6 Ero quasi ros ; Israël germinabit sicut lilium, et erumpet radix ejus ut Libani.

7 Ibunt rami ejus, et erit quasi oliva gloria ejus, et odor ejus ut Libani.

8 Convertentur sedentes in umbra ejus ; vivent tritico, et germinabunt quasi vinea ; memoriale ejus sicut vinum Libani.

9 Ephraim, quid mihi ultra idola ? Ego exaudiam, et dirigam eum ego ut abietem virentem ; ex me fructus tuus inventus est.

10 Quis sapiens, et intelliget ista ? intelligens, et sciet hæc ? quia rectæ viæ Domini, et justi ambulabunt in eis ; prævaricatores vero corruent in eis.

   

სვედენბორგის ნაშრომებიდან

 

Arcana Coelestia # 6120

შეისწავლეთ ეს პასაჟი.

  
/ 10837  
  

6120. ‘Et dixit Josephus’: quod significet internum a quo responsum, constat a repraesentatione ‘Josephi’ quod sit internum, de qua prius; quod sit responsum, patet.

  
/ 10837  
  

This is the Third Latin Edition, published by the Swedenborg Society, in London, between 1949 and 1973.

სვედენბორგის ნაშრომებიდან

 

Arcana Coelestia # 7778

შეისწავლეთ ეს პასაჟი.

  
/ 10837  
  

7778. ‘Et morietur omnis primogenitus in terra Aegypti’: quod significet damnationem fidei separatae a charitate, constat ex significatione ‘mori’ quod sit damnatio, de qua n. 5407, 6119; et ex significatione ‘primogeniti’ quod sit fides Ecclesiae per quam charitas, de qua n. 352, 2435, 6344, 7035; ‘primogenitus’ autem ‘in terra Aegypti’ est fides absque charitate, de 1 qua videatur supra n. 7766.

[2] Quod fidem absque charitate attinet, ulterius dicendum: fides quae absque charitate non est fides, sed modo scientia talium quae fidei, 2 vera enim fidei spectant charitatem ut suum finem ultimum, ac postea procedunt a charitate ut a suo fine primo; inde patet quod illa quae fidei sunt non dentur apud illos qui non in charitate; quod tamen detur scientia verorum fidei apud illos, notum est; haec scientia est quae 3 ab illis vocatur fides; 4 et cum scientifica veri et boni fidei ab illis applicantur ad 5 confirmanda falsa et mala, tunc non amplius sunt apud illos vera et bona fidei, nam accedunt ad falsa et mala, 6 quibus inserviunt, 7 nam spectantur in illis tunc ipsa illa falsa et mala quae confirmant;

[3] illa quae genuinae fidei sunt spectant sursum ad caelum et ad Dominum, at illa quae fidei separatae a charitate sunt spectant deorsum, et cum confirmant 8 mala et falsa, ad infernum; inde quoque patet quod fides separata a charitate non sit fides; 9 ex his constare potest quid intelligitur per damnationem fidei separatae a charitate, quod nempe 10 falsificati veri et adulterati boni quae fidei, nam verum cum falsificatum est, non amplius est verum sed falsum, et bonum cum adulteratum non amplius est bonum sed malum; et ipsa fides non amplius est fides veri et boni sed falsi et mali, utcumque in externa forma apparet et sonat; et quod arcanum est, talis unicuique est fides, qualis est vita; si itaque vita damnata est, etiam est fides, est enim fides falsi cum vita est mali; quod ita sit, non apparet in mundo, sed manifestatur in altera vita, cum 11 ibi mali deprivantur scientia veri et boni, tunc prodeunt e malis falsa quae apud illos recondita jacuerunt.

[4] 12 Apud quosdam malos est persuasio quod verum fidei sit verum; hoc persuasivum etiam putatur esse fides, sed non est fides; impressum enim est ex fine quod inserviat pro medio captandi lucrum, honores, et famam; vera illa quamdiu pro mediis inserviunt, amantur propter finem qui est malus, at cum non amplius inserviunt, relinquuntur, immo spectantur ut falsa; haec persuasio est quae vocatur fides persuasiva, et est quae intelligitur per Domini verba apud Matthaeum, Multi dicent Mihi in die illa, Domine, Domine, nonne per nomen Tuum prophetavimus, et per nomen Tuum daemonia ejecimus, et in nomine Tuo multas virtutes fecimus? Sed tunc confitebor illis, Non novi vos, discedite a Me, operantes iniquitatem, 7:22, 23: eadem fides etiam intelligitur per ‘lampades absque oleo’ apud quinque virgines stultas, quae etiam dixerunt, Domine, Domine, aperi nobis; sed respondens dixit, Amen dico vobis, Non novi vos, Matth. 25:11, 12;

per ‘lampades’ significantur vera fidei, et per ‘oleum’ bonum charitatis; ita per ‘lampades absque oleo’ vera fidei absque bono charitatis.

სქოლიოები:

1. hac fide

2. The Manuscript inserts nam fides in se spectata est charitas, .

3. The following word or phrase is crossed out in the Manuscript, but it does appear in the first edition.

4. at quatenus

5. confirmandum

6. ac illis

7. et

8. falsa et mala

9. inde patet

10. The Manuscript inserts damnatio.

11. enim mali ibi deprivantur cognitionibus veri et boni, quae fuerant in memoriis eorum exterioribus

12. In the Manuscript the remainder of this is an indistinct marginal insertion which appears to read: Apud quosdam malos est persuasio quod verum fidei sit verum; hocpersuasivum est quae putatur esse fides, sed non est fides, haeret enim in ea, ibi impressum ex origine quod inserviant pro mediis ad captandum lucri, honoris, famae, quamdiu iis favent, amantur propter finem; sed cum non amplius favent, relinquuntur, imo spectantur ut falsa, (word in the Manuscript was not deciphered by the Editors) fides intelligitur per Domini verba ostensa

  
/ 10837  
  

This is the Third Latin Edition, published by the Swedenborg Society, in London, between 1949 and 1973.