Arcana Coelestia #7220
7220. ‘Veni, loquere ad Pharaonem regem Aegypti’: quod significet admonitionem ad illos qui infestant per mera falsa, constat ex significatione ‘loqui’ cum ex mandato Divino, quod sit admonitio; et ex repraesentatione ‘Pharaonis’ quod sint qui infestant per falsa, de qua n. 7107, 7110, 7126, 7142; et quia per mera falsa, dicitur ‘Pharao 1 rex Aegypti’, nam per ‘regem’ significatur in genuino sensu verum, et in opposito falsum, n. 2015, 2069.
Note a piè di pagina:
1. The Manuscript inserts etiam.
Arcana Coelestia #7110
7110. ‘Et praecepit Pharao die illo’: quod significet cupiditatem infestandi vera Ecclesiae dum in illo statu, constat a significatione ‘praecipere’ quod sit mandatum, et quia mandato malorum inest cupiditas malum faciendi, inde enim mandatum ab illis venit, idcirco 1 per ‘praecepit’ etiam significatur cupiditas; ex repraesentatione ‘Pharaonis’ quod sint qui infestant vera Ecclesiae, de qua n. 6651, 6679, 6683; et ex significatione ‘diei’ quod sit status, de qua n. 23, 487, 488, 493, 893, 2 2788, 3462, 3785, 4850.
Note a piè di pagina:
1. The Manuscript places this after etiam.
2. The editors of the third Latin edition made a minor correction here. For details, see the end of the appropriate volume of that edition.
