Novokřesťanské studium Bible

Bible

 

Ezechiel 15

Studie

   

1 Et factus est sermo Domini ad me, dicens :

2 Fili hominis, quid fiet de ligno vitis, ex omnibus lignis nemorum quæ sunt inter ligna silvarum ?

3 numquid tolletur de ea lignum ut fiat opus, aut fabricabitur de ea paxillus ut dependeat in eo quodcumque vas ?

4 Ecce igni datum est in escam : utramque partem ejus consumpsit ignis, et medietas ejus redacta est in favillam : numquid utile erit ad opus ?

5 Etiam cum esset integrum, non erat aptum ad opus : quanto magis cum illud ignis devoraverit et combusserit, nihil ex eo fiet operis ?

6 Propterea hæc dicit Dominus Deus : Quomodo lignum vitis inter ligna silvarum, quod dedi igni ad devorandum, sic tradam habitatores Jerusalem :

7 et ponam faciem meam in eos : de igne egredientur, et ignis consumet eos : et scietis quia ego Dominus, cum posuero faciem meam in eos,

8 et dedero terram inviam et desolatam, eo quod prævaricatores extiterint, dicit Dominus Deus.

   

Ze Swedenborgových děl

 

Doctrina Novae Hierosolymae de Domino # 28

Prostudujte si tuto pasáž

  
/ 65  
  

28. Quod "Filius hominis" significet Dominum quoad Verbum, erat quia Prophetae etiam dicti sunt "filii hominis.." Quod prophetae "filii hominis" dicti sint, erat quia repraesentabant Dominum quoad Verbum, et inde significabant doctrinam ecclesiae ex Verbo; non aliud in caelo per "prophetas" ubi nominantur in Verbo, intelligitur; significatio enim spiritualis "prophetae," tum etiam "filii hominis," est doctrina ecclesiae ex Verbo; et cum de Domino, est ipsum Verbum.

Quod Propheta Daniel vocatus sit "filius hominis," videatur apud illum (Daniel) 3:17 [NCBSP: 8:17]).

Quod Propheta Ezechiel vocatus sit "filius hominis," videatur apud illum (Ezechiel) 2:1, 3, 6, 8, 3:1, 3-4, 10, 17, 25, 4:1, 16; 5:1; 6:2, 7:2; 8:5-6, 8, 12, 15; 11:2, 4, 15; 12:2-3, 9, 18, 22, 27; 13:2, 17; 14:3, 13; 15:2; 16:2; 17:2; 20:3-4, 27, 46; 21:2, 1 6, 9, 12, 14, 19, 28; 22:18, 24; 23:2-3, 6 [2, 36]; 24:2, 16, 25; 25:2; 26:2; 27:2; 28:2, 12, 21; 29:2, 18; 30:2, 21; 31:2; 2 32:2, 18; 33:2, 7, 10, 12, 24, 30; 34:2; 35:2; 36:1, 17; 37:3, 9, 11, 16; 38:2, 14; 3 39:1, 17; 40:4; 43:7, 10, 18; 44:5 4 ).

Ex his nunc patet quod Dominus quoad Divinum Humanum dicatur "Filius Dei," et quoad Verbum "Filius hominis."

Poznámky pod čarou:

1. Sequentes sunt versus in textu Hebraeo: 2, 7, 11, 14, 17, 19, 24, 33.

2. 2 pro "1-2"

3. 14 pro "24"

4. 5 pro "1, 4"

  
/ 65  
  

©2024 New Christian Bible Study Corporation. All rights reserved. Printed from newchristianbiblestudy.org