¹ הוי עיר דמים כלה כחש פרק מלאה לא ימיש טרף׃

² קול שוט וקול רעש אופן וסוס דהר ומרכבה מרקדה׃

³ פרש מעלה ולהב חרב וברק חנית ורב חלל וכבד פגר ואין קצה לגויה [כ= יכשלו] [ק= וכשלו] בגויתם׃

⁴ מרב זנוני זונה טובת חן בעלת כשפים המכרת גוים בזנוניה ומשפחות בכשפיה׃

⁵ הנני אליך נאם יהוה צבאות וגליתי שוליך על־פניך והראיתי גוים מערך וממלכות קלונך׃

⁶ והשלכתי עליך שקצים ונבלתיך ושמתיך כראי׃

⁷ והיה כל־ראיך ידוד ממך ואמר שדדה נינוה מי ינוד לה מאין אבקש מנחמים לך׃

⁸ התיטבי מנא אמון הישבה ביארים מים סביב לה אשר־חיל ים מים חומתה׃

⁹ כוש עצמה ומצרים ואין קצה פוט ולובים היו בעזרתך׃

¹⁰ גם־היא לגלה הלכה בשבי גם עלליה ירטשו בראש כל־חוצות ועל־נכבדיה ידו גורל וכל־גדוליה רתקו בזקים׃

¹¹ גם־את תשכרי תהי נעלמה גם־את תבקשי מעוז מאויב׃

¹² כל־מבצריך תאנים עם־בכורים אם־ינועו ונפלו על־פי אוכל׃

¹³ הנה עמך נשים בקרבך לאיביך פתוח נפתחו שערי ארצך אכלה אש בריחיך׃

¹⁴ מי מצור שאבי־לך חזקי מבצריך באי בטיט ורמסי בחמר החזיקי מלבן׃

¹⁵ שם תאכלך אש תכריתך חרב תאכלך כילק התכבד כילק התכבדי כארבה׃

¹⁶ הרבית רכליך מכוכבי השמים ילק פשט ויעף׃

¹⁷ מנזריך כארבה וטפסריך כגוב גבי החונים בגדרות ביום קרה שמש זרחה ונודד ולא־נודע מקומו אים׃

¹⁸ נמו רעיך מלך אשור ישכנו אדיריך נפשו עמך על־ההרים ואין מקבץ׃

¹⁹ אין־כהה לשברך נחלה מכתך כל שמעי שמעך תקעו כף עליך כי על־מי לא־עברה רעתך תמיד׃

⁸ I saw, when, for this very cause that backsliding Israel had committed adultery, I had put her away and given her a bill of divorce, yet treacherous Judah, her sister, didn't fear; but she also went and played the prostitute.

⁹ It happened through the lightness of her prostitution, that the land was polluted, and she committed adultery with stones and with stocks.