¹ ויאמר יהוה אל־משה עתה תראה אשר אעשה לפרעה כי ביד חזקה ישלחם וביד חזקה יגרשם מארצו׃ ס

² וידבר אלהים אל־משה ויאמר אליו אני יהוה׃

³ וארא אל־אברהם אל־יצחק ואל־יעקב באל שדי ושמי יהוה לא נודעתי להם׃

⁴ וגם הקמתי את־בריתי אתם לתת להם את־ארץ כנען את ארץ מגריהם אשר־גרו בה׃

⁵ וגם אני שמעתי את־נאקת בני ישראל אשר מצרים מעבדים אתם ואזכר את־בריתי׃

⁶ לכן אמר לבני־ישראל אני יהוה והוצאתי אתכם מתחת סבלת מצרים והצלתי אתכם מעבדתם וגאלתי אתכם בזרוע נטויה ובשפטים גדלים׃

⁷ ולקחתי אתכם לי לעם והייתי לכם לאלהים וידעתם כי אני יהוה אלהיכם המוציא אתכם מתחת סבלות מצרים׃

⁸ והבאתי אתכם אל־הארץ אשר נשאתי את־ידי לתת אתה לאברהם ליצחק וליעקב ונתתי אתה לכם מורשה אני יהוה׃

⁹ וידבר משה כן אל־בני ישראל ולא שמעו אל־משה מקצר רוח ומעבדה קשה׃ ף

¹⁰ וידבר יהוה אל־משה לאמר׃

¹¹ בא דבר אל־פרעה מלך מצרים וישלח את־בני־ישראל מארצו׃

¹² וידבר משה לפני יהוה לאמר הן בני־ישראל לא־שמעו אלי ואיך ישמעני פרעה ואני ערל שפתים׃ ף

¹³ וידבר יהוה אל־משה ואל־אהרן ויצום אל־בני ישראל ואל־פרעה מלך מצרים להוציא את־בני־ישראל מארץ מצרים׃ ס

¹⁴ אלה ראשי בית־אבתם בני ראובן בכר ישראל חנוך ופלוא חצרון וכרמי אלה משפחת ראובן׃

¹⁵ ובני שמעון ימואל וימין ואהד ויכין וצחר ושאול בן־הכנענית אלה משפחת שמעון׃

¹⁶ ואלה שמות בני־לוי לתלדתם גרשון וקהת ומררי ושני חיי לוי שבע ושלשים ומאת שנה׃

¹⁷ בני גרשון לבני ושמעי למשפחתם׃

¹⁸ ובני קהת עמרם ויצהר וחברון ועזיאל ושני חיי קהת שלש ושלשים ומאת שנה׃

¹⁹ ובני מררי מחלי ומושי אלה משפחת הלוי לתלדתם׃

²⁰ ויקח עמרם את־יוכבד דדתו לו לאשה ותלד לו את־אהרן ואת־משה ושני חיי עמרם שבע ושלשים ומאת שנה׃

²¹ ובני יצהר קרח ונפג וזכרי׃

²² ובני עזיאל מישאל ואלצפן וסתרי׃

²³ ויקח* אהרן את־אלישבע בת־עמינדב אחות נחשון לו לאשה ותלד לו את־נדב ואת־אביהוא את־אלעזר ואת־איתמר׃

²⁴ ובני קרח אסיר ואלקנה ואביאסף אלה משפחת הקרחי׃

²⁵ ואלעזר בן־אהרן לקח־לו מבנות פוטיאל לו לאשה ותלד לו את־פינחס אלה ראשי אבות הלוים למשפחתם׃

²⁶ הוא אהרן ומשה אשר אמר יהוה להם הוציאו את־בני ישראל מארץ מצרים על־צבאתם׃

²⁷ הם המדברים אל־פרעה מלך־מצרים להוציא את־בני־ישראל ממצרים הוא משה ואהרן׃

²⁸ ויהי ביום דבר יהוה אל־משה בארץ מצרים׃ ף

²⁹ וידבר יהוה אל־משה לאמר אני יהוה דבר אל־פרעה מלך מצרים את כל־אשר אני דבר אליך׃

³⁰ ויאמר משה לפני יהוה הן אני ערל שפתים ואיך ישמע אלי פרעה׃ ף

¹⁸ Jared lived one hundred sixty-two years, and became the father of Enoch.

¹⁹ Jared lived after he became the father of Enoch eight hundred years, and became the father of sons and daughters.

²⁰ All the days of Jared were nine hundred sixty-two years, then he died.

²¹ Enoch lived sixty-five years, and became the father of Methuselah.

²² Enoch walked with God after he became the father of Methuselah three hundred years, and became the father of sons and daughters.

²³ All the days of Enoch were three hundred sixty-five years.

²⁴ Enoch walked with God, and he was not, for God took him.