¹ ועשית מזבח מקטר קטרת עצי שטים תעשה אתו׃

² אמה ארכו ואמה רחבו רבוע יהיה ואמתים קמתו ממנו קרנתיו׃

³ וצפית אתו זהב טהור את־גגו ואת־קירתיו סביב ואת־קרנתיו ועשית לו זר זהב סביב׃

⁴ ושתי טבעת זהב תעשה־לו מתחת לזרו על שתי צלעתיו תעשה על־שני צדיו והיה לבתים לבדים לשאת אתו בהמה׃

⁵ ועשית את־הבדים עצי שטים וצפית אתם זהב׃

⁶ ונתתה אתו לפני הפרכת אשר על־ארן העדת לפני הכפרת אשר על־העדת אשר אועד לך שמה׃

⁷ והקטיר עליו אהרן קטרת סמים בבקר בבקר בהיטיבו את־הנרת יקטירנה׃

⁸ ובהעלת אהרן את־הנרת בין הערבים יקטירנה קטרת תמיד לפני יהוה לדרתיכם׃

⁹ לא־תעלו עליו קטרת זרה ועלה ומנחה ונסך לא תסכו עליו׃

¹⁰ וכפר אהרן על־קרנתיו אחת בשנה מדם חטאת הכפרים אחת בשנה יכפר עליו לדרתיכם קדש־קדשים הוא ליהוה׃ ף

¹¹ וידבר יהוה אל־משה לאמר׃

¹² כי תשא את־ראש בני־ישראל לפקדיהם ונתנו איש כפר נפשו ליהוה בפקד אתם ולא־יהיה בהם נגף בפקד אתם׃

¹³ זה יתנו כל־העבר על־הפקדים מחצית השקל בשקל הקדש עשרים גרה השקל מחצית השקל תרומה ליהוה׃

¹⁴ כל העבר על־הפקדים מבן עשרים שנה ומעלה יתן תרומת יהוה׃

¹⁵ העשיר לא־ירבה והדל לא ימעיט ממחצית השקל לתת את־תרומת יהוה לכפר על־נפשתיכם׃

¹⁶ ולקחת את־כסף הכפרים מאת בני ישראל ונתת אתו על־עבדת אהל מועד והיה לבני ישראל לזכרון לפני יהוה לכפר על־נפשתיכם׃ ף

¹⁷ וידבר יהוה אל־משה לאמר׃

¹⁸ ועשית כיור נחשת וכנו נחשת לרחצה ונתת אתו בין־אהל מועד ובין המזבח ונתת שמה מים׃

¹⁹ ורחצו אהרן ובניו ממנו את־ידיהם ואת־רגליהם׃

²⁰ בבאם אל־אהל מועד ירחצו־מים ולא ימתו או בגשתם אל־המזבח לשרת להקטיר אשה ליהוה׃

²¹ ורחצו ידיהם ורגליהם ולא ימתו והיתה להם חק־עולם לו ולזרעו לדרתם׃ ף

²² וידבר יהוה אל־משה לאמר׃

²³ ואתה קח־לך בשמים ראש מר־דרור חמש מאות וקןמן־בשם מחציתו חמשים ומאתים וקנה־בשם חמשים ומאתים׃

²⁴ וקדה חמש מאות בשקל הקדש ושמן זית הין׃

²⁵ ועשית אתו שמן משחת־קדש רקח מרקחת מעשה רקח שמן משחת־קדש יהיה׃

²⁶ ומשחת בו את־אהל מועד ואת ארון העדת׃

²⁷ ואת־השלחן ואת־כל־כליו ואת־המנרה ואת־כליה ואת מזבח הקטרת׃

²⁸ ואת־מזבח העלה ואת־כל־כליו ואת־הכיר ואת־כנו׃

²⁹ וקדשת אתם והיו קדש קדשים כל־הנגע בהם יקדש׃

³⁰ ואת־אהרן ואת־בניו תמשח וקדשת אתם לכהן לי׃

³¹ ואל־בני ישראל תדבר לאמר שמן משחת־קדש יהיה זה לי לדרתיכם׃

³² על־בשר אדם לא ייסך ובמתכנתו לא תעשו כמהו קדש הוא קדש יהיה לכם׃

³³ איש אשר ירקח כמהו ואשר יתן ממנו על־זר ונכרת מעמיו׃ ס

³⁴ ויאמר יהוה אל־משה קח־לך סמים נטף ושחלת וחלבנה סמים ולבנה זכה בד בבד יהיה׃

³⁵ ועשית אתה קטרת רקח מעשה רוקח ממלח טהור קדש׃

³⁶ ושחקת ממנה הדק ונתתה ממנה לפני העדת באהל מועד אשר אועד לך שמה קדש קדשים תהיה לכם׃

³⁷ והקטרת אשר תעשה במתכנתה לא תעשו לכם קדש תהיה לך ליהוה׃

³⁸ איש אשר־יעשה כמוה להריח בה ונכרת מעמיו׃ ס

¹ "You shall make an altar to burn incense on. You shall make it of acacia wood.

² Its length shall be a cubit, and its breadth a cubit. It shall be square, and its height shall be two cubits. Its horns shall be of one piece with it.

³ You shall overlay it with pure gold, its top, its sides around it, and its horns; and you shall make a gold molding around it.

⁴ You shall make two golden rings for it under its molding; on its two ribs, on its two sides you shall make them; and they shall be for places for poles with which to bear it.

⁵ You shall make the poles of acacia wood, and overlay them with gold.

⁶ You shall put it before the veil that is by the ark of the testimony, before the mercy seat that is over the testimony, where I will meet with you.

⁷ Aaron shall burn incense of sweet spices on it every morning. When he tends the lamps, he shall burn it.

⁸ When Aaron lights the lamps at evening, he shall burn it, a perpetual incense before Yahweh throughout your generations.

⁹ You shall offer no strange incense on it, nor burnt offering, nor meal offering; and you shall pour no drink offering on it.

¹⁰ Aaron shall make atonement on its horns once in the year; with the blood of the sin offering of atonement once in the year he shall make atonement for it throughout your generations. It is most holy to Yahweh."