¹ Profetajxo pri Nineve, libro de vizio de Nahxum, la Elkosxano.

² La Eternulo estas Dio severa kaj vengxanta; la Eternulo estas vengxanto kaj koleranto; la Eternulo vengxas al Siaj malamikoj kaj ne forgesas pri Siaj kontrauxuloj.

³ La Eternulo estas longepacienca, kaj potenca per Sia forto, kaj neniu estas senkulpa antaux Li; la vojo de la Eternulo estas en fulmotondro kaj ventego, kaj nubo estas la polvo sub Liaj piedoj.

⁴ Kiam Li ekparolas kolere al la maro, Li elsekigas gxin, kaj cxiujn riverojn Li senakvigas; malgajigxas Basxan kaj Karmel, kaj velkas cxio, kio floras sur Lebanon.

⁵ La montoj tremas antaux Li, la montetoj disfandigxas; skuigxas antaux Li la tero, la mondo kaj cxiuj gxiaj logxantoj.

⁶ Kiu povas kontrauxstari al Lia indigno? kaj kiu povas elteni la flamon de Lia kolero? Lia indigno disversxigxas kiel fajro; la rokoj disfalas antaux Li.

⁷ La Eternulo estas bona, forta apogo en tago de malfelicxo; kaj Li konas tiujn, kiuj fidas Lin.

⁸ Dronigante per inundo, Li faras finon al loko, kaj Liajn malamikojn persekutas mallumo.

⁹ Kion vi pensas pri la Eternulo? Li faros la ekstermon, la malfelicxo ne bezonas veni duafoje.

¹⁰ CXar, interplektigxinte kiel dornoj kaj ebriaj de drinkado, ili estos ekstermitaj, kiel tute seka pajlo.

¹¹ El vi eliris tiu, kiu havis malbonan intencon kontraux la Eternulo kaj kiu estas malica konsilanto.

¹² Tiele diras la Eternulo:Kvankam ili estas unuanimaj kaj multaj, ili tamen estos dishakitaj kaj malaperos; sed vin, kiun Mi humiligis, Mi ne plu humiligos.

¹³ Nun Mi rompos lian jugon, kiu estas sur vi, kaj Mi dissxiros viajn ligilojn.

¹⁴ Sed pri vi la Eternulo decidis:Ne plu restos semo portanta vian nomon; el la domo de viaj dioj Mi ekstermos la idolojn kaj statuojn; Mi signos sur via tombo, ke vi farigxis senvalora.

¹⁵ Jen sur la montoj estas la piedoj de sciiganto, kiu proklamas pacon! Festu, ho Judujo, viajn festojn, plenumu viajn sanktajn promesojn; cxar ne plu iros tra vi la sentauxgulo; li estas tute ekstermita.

¹ La Eternulo el ventego ekparolis al Ijob, kaj diris:

² Kiu estas tiu, kiu mallumigas la plej altan decidon Per vortoj sensencaj?

³ Zonu kiel viro viajn lumbojn; Mi vin demandos, kaj vi sciigu al Mi.

⁴ Kie vi estis, kiam Mi fondis la teron? Diru, se vi havas scion.

⁵ Kiu starigis gxiajn mezurojn, se vi tion scias? Aux kiu etendis super gxi rektosxnuron?

⁶ Sur kio estas enfortikigitaj gxiaj bazoj, Aux kiu kusxigis gxian angulsxtonon,

⁷ Dum komuna glorkantado de la matenaj steloj Kaj gxojkriado de cxiuj filoj de Dio?

⁸ Kiu fermis la maron per pordoj, Kiam gxi elpusxigxis kvazaux el la ventro de patrino;

⁹ Kiam Mi faris la nubon gxia vesto Kaj mallumon gxiaj vindajxoj,

¹⁰ Kaj starigis al gxi limon Kaj faris riglilojn kaj pordojn,

¹¹ Kaj diris:GXis cxi tie aliru, sed ne plu, Kaj cxi tie rompigxados viaj majestaj ondoj?

¹² CXu vi en via vivo iam ordonis al la mateno, Montris al la matenrugxo gxian lokon,

¹³ Ke gxi kaptu la randojn de la tero, Kaj ke la malpiuloj deskuigxu el gxi;

¹⁴ Ke ilia internajxo renversigxu kiel koto, Kaj ke ili tute konfuzigxu;

¹⁵ Ke de la malpiuloj forprenigxu ilia lumo, Kaj ilia malhumila brako estu rompita?

¹⁶ CXu vi venis gxis la fontoj de la maro? Kaj cxu vi iradis sur la fundo de la abismo?

¹⁷ CXu malfermigxis antaux vi la pordego de la morto? Kaj cxu vi vidis la pordegon de la mallumego?

¹⁸ CXu vi pririgardis la largxon de la tero? Diru, cxu vi scias cxion cxi tion?

¹⁹ Kie estas la vojo al la logxejo de la lumo, Kaj kie estas la loko de la mallumo,

²⁰ Ke vi konduku gxin al gxia limo, Kaj ke vi rimarku la vojetojn al gxia domo?

²¹ CXu vi sciis, kiam vi naskigxos Kaj kiel granda estos la nombro de viaj tagoj?

²² CXu vi venis al la devenejo de la negxo, Kaj cxu vi vidis la devenejon de la hajlo,

²³ Kiujn Mi konservas por la tempo de suferado, Por la tago de batalo kaj milito?

²⁴ Kie estas la vojo, laux kiu dividigxas la lumo, Diskuras la orienta vento super la teron?

²⁵ Kiu destinis direkton por la fluo Kaj vojon por la tondra fulmo,

²⁶ Por doni pluvon sur teron, kie neniu trovigxas, Sur dezerton senhoman,

²⁷ Por nutri dezerton kaj stepon Kaj kreskigi verdan herbon?

²⁸ CXu la pluvo havas patron? Aux kiu naskigis la gutojn de roso?

²⁹ El kies ventro eliris la glacio? Kaj kiu naskis la prujnon sub la cxielo?

³⁰ Simile al sxtono malmoligxas la akvo, Kaj la suprajxo de la abismo kunfirmigxas.

³¹ CXu vi povas ligi la ligilon de la Plejadoj? Aux cxu vi povas malligi la ligon de Oriono?

³² CXu vi povas elirigi iliatempe la planedojn, Kaj konduki la Ursinon kun gxiaj infanoj?

³³ CXu vi konas la legxojn de la cxielo? Aux cxu vi povas arangxi gxian regadon super la tero?

³⁴ CXu vi povas levi al la nubo vian vocxon, Ke abundo da akvo vin kovru?

³⁵ CXu vi povas sendi fulmojn, Ke ili iru kaj diru al vi:Jen ni estas?

³⁶ Kiu metis en la internon la sagxon? Kaj kiu donis al la koro la prudenton?

³⁷ Kiu estas tiel sagxa, ke li povu kalkuli la nubojn? Kaj kiu elversxas la felsakojn de la cxielo,

³⁸ Kiam la polvo kunfandigxas Kaj la terbuloj kungluigxas?

³⁹ CXu vi cxasas kaptajxon por la leonino, Kaj satigas la leonidojn,

⁴⁰ Kiam ili kusxas en la nestegoj, Sidas embuske en la lauxbo?

⁴¹ Kiu pretigas al la korvo gxian mangxajxon, Kiam gxiaj idoj krias al Dio, Vagflugas, ne havante, kion mangxi?