1
Hy Khazohpa, na moh ta na pachhana thatlôna ta na pachia mah y.
2
Hy Khazohpa, ei thlahchhâna he thei la; ei pakah liata bie a puapazy liana heta nah vaw pachôh mah y.
3
Khichhaipa zy chata na thyuhnao tlôh ei ta, chyhsa nôchhiepa zy ta ei hrona he pahlei a chhuahpa ta tlua hra ei ta; Khazohpa cha ama hmiakô liata soh veih ei. Selah
4
Khazohpa cha na baotuhpa châ ta; ABEIPA cha ei hrona a patutuhpa hry liatahpa a châ.
5
Ano chata hmo chhiepa cha ei khakhaipa zy chô liata viari a thô aw; nâ ta âmo cha na hmeihseihna vâna chata pahleipadia mah y.
6
Keima kho ta hmohlâpa ta nâ lâta atheih aw na ta; hy ABEIPA, na moh cha ei reithai aw, pha tlôh ta.
7
Ei nôpona zydua liana chata na pachha haw tlôh ta, ei khakhaipazy chôta ei khopa a tlôpa cha ei mo ta a hmô haw.