Maka 9

¹ Ano chata ama hnohta, “Hmeihseihta ta ei cha tah ei chuh, he a duahpa sahlao thokhazy he Khazohpa Khihnarâh hmotaotheina chhaota a vaw tlôpa ama hmô hlâ lei ta cha, thina a pachâ chachei lei awpa ama y,” tah ta."

² Chatawhcha noh charu khai tawhta Zisu ta Pity zy, Zami zy, Zawhana zy cha a chhi ta, a nano ta tlâh sâhpa lâta khykhei ta; ama hmiakô liata a hmia yzie cha a vaw nano haw ta,

³ A chysia cha alei liata poh pasutuhpazy ta ama pangyuhsa theipa hlâta ngyuh viapa ta, vaw pathlie haw ta.

⁴ Elaiza nata Mawsi cha a vaw luah ei ta; Zisu chhaota bie ama reih hai nota a pachupazy chata hmô ei ta.

⁵ Pity chata Zisu hnohta, “Pachutuhpa, eima châta he liata ypa a pha na; byureih miathôh tu ei sihla, nâma châta miakha. Mawsi châta miakha, Elaiza châta miakha,” tah ta.

⁶ Pity cha bie reih awpa pahno leipa ta, ama zydua ta ama chi kawpa vâta.

⁷ Âmo cha meihdo ta khupa ta y ei ta, chatawhcha meihdo tawhta ao vaw pua ta, “He he ei Sawchapawpa kho ngaitapa a châ, ano bie angiah teh u,” tahpa ta.

⁸ Chatawhcha thlai a vaw heih ei ta, ama hnohta Zisu dei leipa cha ahyma ta hmô tlôh leipa ei ta.

⁹ Tlâh tawhta amâ zu nota, Chyhsa Sawchapawpa athihpa hry tawhta a thyu heih hlâ lei cha ama hmo hmôpazy cha ahyhmah ta chho lei awpa ta bie pie ta.

¹⁰ “Chatanachata cha bie cha a vao thlâh ha ei ta, athihpa hry tawhta thyuheipa cha khâpa tahna ma a châ tahpa ta a hiahri ei ta.

¹¹ Âmo chata a hnohta, “Kheihtazie ta ma Ryhpa pachutuhpazy ta Elaiza a vy tuapa na a châ ama tah tly?” tahpa ta hiahri ei ta.

¹² Ano chata ama hnohta, “Hmo to zydua tao pathi awpa ta Elaiza cha a vy tua awpa na a châ; châhrasala Chyhsa Sawchapawpa cha hmo hluhpi pasa tao ta, mohnaopa ta a ypa thâtih, kheihtazie ta ropa ma a châ?

¹³ Châhrasala ei cha chho ei chuh, Elaiza cha a vy haw, a thâtih ama ropa hawh tlaina khata, a chô liata ama khozie hawh tlaita a ma tao hra,” tah ta.

¹⁴ A pachupazy hnohta ama za tlô nahta, ama kiapâh ta zawpi hluhpi nata Ryhpa pachutuhpazy chhaota amâ ei ngâpa ta za hmô ei ta.

¹⁵ Zawpi zydua ta ano ama hmô patanahta noâh tah kaw ei ta, a hnohta thlai a râ ei ta, a naoh ei ta.

¹⁶ Ano chata ama hnohta, “Âmozy chhao nah heta khâpa bie e namâ ei?” tah ta hiahri ta.

¹⁷ Zawpi hryta pakha ta, “Pachutuhpa, ei sawchapawpa thlahpa reih pathlie thei leipa a hneipa cha na hnohta ei vaw chhi;

¹⁸ a patuna maihta a taikhy ta; a pakah buchaphy pazy tla ta, a hâhzy charieh ta, a pôhpa chhao a zaoh via rili haw; chatanachata na pachupazy cha papua awpa ta a haw na ta, papua thei veih ei,” tahpa ta a chhy ta.

¹⁹ Ano chata ama hnohta, “Hy angiapâ leipa thyutliazy saih u, khachâ e nama hnohta y aw na ta? Khachâ e ei nô a pha awpa a châ? Ano cha ei hnohta a vaw chhi teh u,” tahpa ta a chhy ta.

²⁰ Chatawhcha ano cha a hnohta a chhi ei ta; thlahpa chata Zisu cha a hmô patanahta, hawtipa cha thlai riepatheisa ta, alei liata pao ta, a taikhy ta, a pakah buchaphypa cha tla ngâ kaw ta.

²¹ Zisu ta a paw hnohta, “He hawhta a vaw y pathaona he khachâ e a châ?” tahpa ta hiahri ta. Ano chata, “A hâtita tawhta a châ.

²² Chatanachata ano pahleipadia awpa ta ei hluhpi mei liata zy, ti liata zy chhao papaosa tyh ta; châhrasala nâma ta kheihta chhâta na tao thei khiahtala, na ngiachhie la na bao mah y,” tah ta.

²³ Zisu ta a hnohta, “Na thei khiahtala na tah ma! Angiapâtuhpazy châta cha ato tao theipa a châ mâ tâh,” tah ta.

²⁴ Chatawhcha hawtipa paw ta, “Ei ngiapâ na, ei lôh-leina liata na bao mah y,” tahpa ta thlai awh ta.

²⁵ Zisu ta zawpi ama vaw râpakhy haipa a hmô nahta, thlahpa puapa cha ra ta, a hnohta, “Nâ thlahpa reipathlie thei leipa nata nahpâpa, bie ei cha pie na, a chhôh tawhtapa vaw pua la, a ngia beih khao khah y,” tah ta.

²⁶ Chatawhcha awh sâh ta, thata a taochhie khai nahta vaw pua ha ta, hawtipa cha athipa hawhta vaw y ta; chyhsa hluhpi ta, “A thi hapa he,” tah ei ta.

²⁷ Zisu deikua chata a ku patu ta, pathyu ta, a vaw duah ha ta.

²⁸ Chatawhcha Zisu cha o liata a vâ ngia nahta, a pachupazy ta, “Kheihtazie ta e keimo ta eima papua thei vei tly?” tahpa ta a ru lâta hiahri ei ta.

²⁹ Zisu ta ama hnohta, “He hawhpa he thlahchhâna dei leipa ta cha khâpa ta hmahta papua thei vei,” tah ta.

³⁰ Cha tawhtapa cha pua ha ei ta, Kalili râh sie pahlie ei ta. Ahyhmah ta ama pahnopah khoh leipa ta; "31

³² Châhrasala a bie reipa cha a pachâna pahno veih ei, ano hra cha hiahri ngâh tlôh lei khâh ei ta.

³³ Kapynia khih cha vaw tlô ei ta; o chhôh liata ama y nota ama hnohta, “Lâthlôh liana kha khâpa bie ma namâ ei tly?” tahpa ta hiahri ta.

³⁴ Châhrasala lâthlôh liana chata eima hry liata ahyma a lai chai aw tahpa ta ama vaw eipa vâta; a thlih thlâh ha ei ta.

³⁵ Ano cha a tyuh ta, pahrawhleinopazy cha aw ta; ama hnohta, “Ahyrai a hmiatua chaipa a châ khoh khiahtala, chyhsa zydua hlâta a chhâ chaina nata chyhsa zydua chakaotuhpa ta a y awpa na a châ,” tah ta.

³⁶ Chatawhcha hawti chyhpa ta la ta, ama hry ta paduasa ta; a bâh liata a pyh ta, ama hnohta,

³⁷ “Ahyrai ei moh vâta he hawhpa hawti chyhpa ta pakha chhao alypa maih cha keima nâ lypa châ leipa aw ta, nâ tuahtuhpa alypa tlao a châ aw,” tah ta.

³⁸ Zawhana chata a hnohta, “Pachutuhpa, ahy tlyma na moh ta ahripa a papuapa hmô pi ta, maniah a zi leipa vâta eima pakhâ ha mâ tâh,” tah ta.

³⁹ Zisu deikua ta, “Pakhâ kha u; chyhsa ahyrai ei moh ta hmonoâhpa a taopa ta cha thlai na reipachhie beih aw vei.

⁴⁰ Ahyrai maniah dyuh leipa cha keimo chhâh a châ.

⁴¹ Hmeihseihta ta, ei cha chho ei chuh, ahyrai Krista moh vâta ti nyu kha dopa a cha piepa maih cha, a lymâ cha pahlei aw vei.

⁴² “Ahyrai he nâ ngiapâtuhpa chyhtapazy hry liata pakha chhao a pahluasapa maih cha, a rao liata charona lô a aopa ta tilaipi liata thypa ta y sala ano châta a pha via.

⁴³ Na ku ta a cha pamoleisa khiahta cha, tai syulyu teh; ku miano hneita Kehena mei a thi thei leipa lâ sie hlâta cha, ku miakha hneipa ta hrona lia a ngia na châta a pha via na.

⁴⁵ Chatawhcha na pheita a cha pamoleisa khiahta cha, tai la thy syulyu ha teh; phei miano hneita Kehena lâ thy hlâta cha, pheisypa ta hrona liata a ngia chhao na châta a pha via na.

⁴⁷ Chatawhcha na mo ta a cha pamoleisa khiahta cha, thao ha teh; mo no hnei ta Kehena liata thy hlâta cha, mo kha hneita Khazohpa Khihnarâh liata a ngia na châta a pha via,

⁴⁸ cha liana cha ama lopa cha thi beih leipa ta nata mei cha pachhai beih leipa a châ.

⁴⁹ Chyhsa to alôh mei liata pa-iasapa ta y aw ei ta.

⁵⁰ Alôh cha a pha na; châhrasala alôh cha a padâh ha khiahta cha, kheihta e ama pa-iasa heih aw? Nâmosasyh ta alôh-iana hnei ula, a dyhryhpa ta y teh u,” tah ta.;