Amosa 1

¹ Zudah beipa Uzia a bei nota nata Izarel beipa Zôasha sawchapawpa Zerôbaw a bei nota, alosih hlâ kô nona liana khata Tekôa su liata sahroh zaw a vaihtuhpazy hry liatahpa Amôsa bie Izarel kyh liata a hmôpa cha.

² Chatawhcha ano chata:“ABEIPA cha Zaio tawhta a rôh ta ,Zerusale tawhta a ao papua ta; mietahkuvaihtuhpazy sahroh bâna suzy cha pachârôhpa ta y ei ta, Kamel laki cha a uah,” tah ta.

³ ABEIPA ta he tana heta a tah: “Damaska hmoparaona miathôh vâta, nata miapalih vâta a hriena cha padia aw va na; Kilia râh cha sâhcharona thuazy chata ama charopa vâta.

⁴ Chavâta Hazael o liata mei tuah aw na ta, Benhada abei ozy a kâ khai aw.

⁵ Damaska ochhi thua cha thlie aw na ta, Ave Saikao tawhtapa a pahrâtuhpazy nata, Beida o tawhtapa ryureina chôhchahrei a chabatuhpa cha pahlei aw na ta; Suria râh chyhsazy cha Kira râh lâta sei ta ama y aw,” ABEIPA ta a tah.

⁶ ABEIPA chata he tana heta a tah: “Kaza hmoparaona miathôhna vâta,nata miapalih vâta a hriena cha padia aw va na; Edôma hnohta pie awpa ta chyhsa zydua sei ta amâ chhipa vâta.

⁷ Châhrasala Kaza kuh chô liata mei tuah aw na ta,abei ozy cha a kâ khai aw.

⁸ A sahdô tawhtapa a pahrâtuhpa nata, Askelaw tawhtapa ryureina chôhchahrei a chabatuhpa pahleipadia aw na ta; Ekraw khih chô liata ei ku hy aw na ta; Philistina molaipazy cha ama leidia aw, “Abeipa KHAZOHPA ta a tah.

⁹ ABEIPA ta he tana heta a tah: “Tyre hmoparaona miathôh vâta nata miapalihna vâta a hriena cha padia aw va na; Edôma hnohta chyhsa zydua chapiepa ta, unawhpa biehraipa cha ama thei thlâh ha leipa vâta.

¹⁰ Chavâta Tyre kuh chô liata mei tuah aw na ta, abei ozy cha a kâ khai aw,” tah ta.

¹¹ ABEIPA ta he tana heta a tah: Edôma hmoparaona miathôh vâta, nata miapalih vâta a hriena cha padia aw va na; a unawhpa cha zaozi ta a chadai ta, a ngiachhiena zydua thy khai ta, a pathi-iana chata hriechhei tyh ta, chhâzaw ta a hiehâhna cha a vao thlâh hapa vâta.

¹² Chavâta Tema su chô liata mei tuah aw na ta, Bôzra khih abei ozy cha a kâ khai aw,” tah ta.

¹³ ABEIPA ta he tana heta a tah:” Amawna pathlazy hmoparaona miathôh vâta, nata miapalih vâta a hriena cha padia aw va na; ama râh ama pakawh thei nawpa ta, Kilia liata chanô saw a phaohpa zy ama hriechheipa vâta.

¹⁴ Chavâta Rabah kuh chô liata meipatih aw na ta, adyuh nota awpa nata, khisô nota thlihpipa chhao, abei ozy cha kâ khai aw ta;

¹⁵ ama abei cha sei ta patu ei ta, a molaipazy chhaota hmaohkha ta, ABEIPA ta a tah.