7784. ‘Et omnibus filiis Israelis non movebit canis linguam [suam]’: quod significet quod apud illos qui ab Ecclesia spirituali non minimum damnationis et lamentationis erit, constat ex repraesentatione ‘filiorum Israelis’ quod sint qui ab Ecclesia spirituali, de qua n. 6426, 6637, 6862, 6868, 7035, 7062, 7198, 7201, 7215, 7223; et ex significatione 'non movere canis linguam' quod sit non minimum damnationis ¹ et lamentationis ² esse, nam opponitur clamori magno qui erit in terra Aegypti, qui est lamentatio interior, n. 7782, et hoc propter damnationem, quae significatur per ‘mortem primogenitorum’ ³ .

[2] Quod non minimum damnationis sit illis qui ab Ecclesia spirituali, hoc est, qui in bono ⁴ Ecclesiae illius, non intelligendum quod absque omni malo sint, sed quod detineantur a malo in bono a Domino; proprium illorum non est nisi quam malum et damnatum, ⁵ sed proprium Domini quod accipiunt est bonum, ita absque omni damnatione, ita intelligitur quod ⁶ nihil damnationis illis qui in Domino sunt.

[3] Quod dicatur ‘non movebit canis linguam’, est propter significationem ‘canis’; ⁷ canis significat omnium infimos seu viles in Ecclesia, etiam qui extra Ecclesiam sunt, tum qui multum blaterant de talibus quae Ecclesiae ⁸ , ac parum intelligunt; et in opposito sensu quid prorsus extra Ecclesiae fidem sunt, ⁹ atque ea quae fidei contumeliis ¹⁰ afficiunt; quod ‘canes’ significent illos qui extra Ecclesiam, constat apud Matthaeum, Jesus dixit ad mulierem Graecam Syrophoenissam, Non ¹¹ bonum est sumere panem filiorum et projicere ¹² canibus; illa vero dixit, Certe, Domine, verum ¹² catelli etiam edunt de micis quae cadunt de mensa dominorum suorum; tunc respondens Jesus dixit illi, Mulier, magna est fides tua; fiat tibi sicut vis; et sanata est ¹³ filia ejus, 15:26-28, et Marcus 7:27, 28;

ibi per ‘filios’ intelliguntur qui intra Ecclesiam, et per ‘canes’ qui extra ¹⁴ :

similiter per Canes qui lingebant ulcera Lazari, Luc. 16:21;

per divitem enim ibi in sensu interno intelligitur qui intra Ecclesiam, et inde divitiis spiritualibus, quae sunt cognitiones veri et boni, abundat;

[4] ‘canes’ pro illis qui ¹⁵ intra Ecclesiam infimo loco sunt, qui de talibus quae Ecclesiae multum blaterant et parum intelligunt; ac in opposito sensu, qui ea quae fidei ¹⁶ contumeliis afficiunt:

apud Esaiam,

Speculatores ejus caeci omnes, non sciunt; omnes sunt canes muti, non possunt latrare; spectantes, cubantes, amantes dormire, 56:10:

apud Davidem,

Tumultuantur sicut canis, circumeunt in urbe; quia eructant ore suo, gladii in labiis illorum, Ps. 59:7, [8, ] 15 [KJV 6, 7, 14]:

apud eundem,

Ut imprimat pes tuus in sanguinem, linguam canum tuorum, Ps. 68:24 ¹⁷ [KJV 23]:

apud Matthaeum,

Ne detis quod sanctum est canibus; ne projicite margaritas vestras ante porcos; ne forte conculcent ea pedibus suis, et versi lacerent vos, 7:6;

¹⁸ inde omnium vilissimum, quod projiciendum, per canem ¹⁹ mortuum ²⁰ significatur, 1 Sam. 24:15 ²¹ ; 2 Sam. 9:8, 16:9. ²²

脚注: